JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur prontu simu primeiru vasina COVID-19

PM Taur prontu simu primeiru vasina COVID-19

Programa vasina Corona Virus Disease 2019 (COVID-19), sei hahú Juñu 2021. Maske nune’e, Primeiru Ministru (PM), Taur Matan Ruak deklara antes, prontu sai ema primeiru hodi simu vasina refere.

“Ha’u prontu. Vasina ha’u la tauk atu simu. Tanba, laiha dalan seluk,” dehan Xefe Governu ne’e, hafoin remata enkontru semanál ho Prezidente Repúblika, Francisco Guterres Lú Olo, Kinta (21/01/2021), iha Palásiu Prezidensiál Nicolau Lobato, Bairo Píte, Díli.

Ba Primeiru Ministru, problema la’ós deit prontu ka la prontu. “Problema se mak lakohi mate ne’e, tenke simu vasina. Hakarak mate, la simu laiha buat ida. Portugés dehan hanesan ne’e, Que não sabe viver que mora.  Se mak la hatene moris, diak liu mate,” Taur afirma.

Tuir Xefe Governu ne’e, Prezidente Repúblika rasik apoia maka’as ba programa vasinasaun COVID-19. Alende ne’e, Prezidente Repúblika mós husu ba Governu, atu tau matan nafatin ba liña fronteira, liu-liu atu sensibiliza nafatin sidadaun sira ne’ebé hela iha liña fronteira, tuir regra ne’ebé Ministeiru Saúde fó sai.

“Tanba  Ministériu Saúde nia motto mak saúde iha ita-nia liman rasik. Sé ita la hatene tau matan ba ita-nia an, ita ba santa maukuka,” Taur subliña.

Alende ne’e, Taur mos apela ba populasaun sira atu koopera ho Ministériu Saúde hodi prontu ba tuir teste mass screening, tanba hotu-hotu hatene tempu agora ne’e sei halo tan estensaun Estadu Emerjensia (EE) ba dala 10.

“Dala barak, hanoin dehan ita bosok. Mais haree didiak ne’e besik loos ita. Kupang ho Atambua aumenta maka’as, entaun sei la koopera, ne’e prejudika ita hotu. Hanesan hatete bebeik esforsu Governu nian maka evita virus ne’e tama mai ita nia rai. Tanba saida? Tanba ha’u hatene katak, kuandu tama sai ne’e susar ona,” tenik Taur.

Entretantu tuir Ministériu Saúde Timor-Leste sei uza vasina AstraZeneca, ne’ebé dezenvolve husi Universidade Oxford-Inglatera. oly

Lee hotu :   HIV/SIDA problema nasional

Add to Comments Here!!!!

error: Content is protected.
Secured By miniOrange
You might also like:
La simu saláriu tinan rua, PN sei haruka karta ba kompañia

Komisaun E iha Parlamentu Nasionál (PN)...

Fretilin fiskaliza Sesta Bázika hodi taka falta

Deputada bankada CNRT, Maria Barreto Gorumali,...

Governu husu renova EE ba dala 10

Governu liu husi Konsellu Ministru (KM),...

Close