JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fatin ba vasinasaun COVID-19 hahú instala

Fatin ba vasinasaun COVID-19 hahú instala

Diretór Servisu Autónomu Medikamentu Ekipamentu Saúde (SAMES),  Santana Martins, hatete, kompañia STARTEC Enterprises mak hetan oportunidade hodi halo instalasaun ba fatin rai-aimoruk vasina COVID-19, ne’ebé iha tempu badak sei to’o iha Timor-Leste (TL).

“UNICEF iha konfiansa ba kompañia STARTEC Enterprises,  tanba kompañia refere,  iha esperiénsia no iha  espesialidade iha área instalasaun ba cold room,  no mós  espesialidade iha manutensaun ba  fatin cold room, tuir loloos prosesu aprovizionamentu ne’e  supply ho nia instalasaun,   maibé kompañia ne’ebé mak iha Europa labele mai, entaun  loke fali   instalasaun  ba kompañia Timor-oan  sira, nune’e kompañia STARTEC maka kaer,”Santana Martins dehan ba Jornalista iha nia knaar fatin, Kampo Alor, Díli, Sesta (26-02-2021).

Santana hatete, tinan 2020 mosu ona pandemia COVID-19,  halo ona kalkulu iha momentu ne’eba, presiza atu halo kompra urjente ba ekipamentu liga ho cold room,  tanba análiza tiha katak, iha momentu balun vasina ne’e TL  sei presiza.

“Husi prosesu hirak ne’e ita-nia tarjetu iha tinan 2020 ne’e, iha fulan Setembru ho Outubru ne’e sasán sira ne’e bele tama ona, maibe tanba  razaun transportasaun, lockdown iha fatin hotu hotu, entaun sasán ne’e foin tama iha fim de Janeiro, agora dadaun ita hahú iha faze instalasaun,  ida ne’e atu responde deit ba iha preparasaun Governu nian hodi hatán ba vasina ne’ebé maka sei mai”,dehan.

Tuir Santana katak, preparasaun atu simu vasina ne’e la’o dadaun ona, no SAMES preparadu ona atu simu vasina porsentu 20 ne’ebé mak sei mai iha fulan Marsu nia laran.

“Polítika Governu nian sei atende uluk 20% mai entaun ita prepara kondisaun sira ne’e, hanesan ita hatene ita iha cold room fatin rai vasina ne’e iha fatin sira iha armajen sentrál ne’e iha fatin rua, maibe ita mos tenke rekoñese katak, sasán ne’e kleur demais ona ita instala dezde tinan 2004 entaun ita presiza tan ho ekipamentu cold room foun ne’ebé maka ita iha. Tanba ne’e maka ami hanoin katak, momentu ne’e progresu ne’ebé maka atu simu preparasaun atu simu vasina ne’e la’o dadaun ona, atu dehan katak, SAMES preparadu ona atu simu vasina 20 porsentu ne’ebé mak sei mai iha fulan marsu nia laran”,dehan Santana.

Lee hotu :   Sérgio Lobo : Audio 2 ne’e lo’os maibe tenki halo interpretasaun

Diretór Kompañia STARTEC Enterprises, Kim Tchia, hatete,  nia parte sei esforsu ho responsabilidade atu halo instalasaun ba  sistema cold room ne’e,  no garante sei finaliza iha semana ida nia laran.

“Ha’u iha esperiénsia kona-ba ida ne’e tinan  barak entaun husi UNICEF suporta ba iha SAMES no SAMES mos fó rekomendasaun ba iha UNICEF hodi ami-nia kompañia mai halo instalasaun ba iha sistema cold room ida para utiliza ba iha vasina COVID-19 atu mai iha TL”, esplika.

Santana dehan, tuir planu,  SAMES sei halo instalasaun cold room  iha armajen rejionál tolu mak hanesan,  Bobonaro, Ainaro, Baucau no rekomenda atu instala cold room ida iha RAEOA.eni

Add to Comments Here!!!!

error: Content is protected.
Secured By miniOrange
You might also like:
Mais de 200 escolas timorenses requalificadas em 2021

Duzentas e vinte e uma escolas...

PNTL idenfika tan ema na’in tolu tama ilegál mai Díli

Polísia Nasionál Timor-Leste (PNTL), identifika tan ona...

Fulan Abril, FRETILIN realiza KN hili lideransa foun

Xefe bankada FRETILIN, deputadu Francisco Miranda...

Close