JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ma nutrisaun aas iha Ermera, Ainaro no RAEOA

Ma nutrisaun aas iha Ermera, Ainaro no RAEOA

Diresaun Nasionál Saúde Públika (DNSP) liu hosi Ministériu Saúde (MS) Tersa (16/2) ne’e aprezenta rezultadu demographic survey hahú hosi tinan 2013 to’o 2020 proporsaun hatudu katak, munisípiu tolu (3), kompostu hosi Ermera, Ainaro no Rejiaun Administrativa Espesiál Oe-Cusse Ambeno (RAEOA) taxa ma nutrisaun kontinua aas.

Diretora Jerál Prestasaun Saúde, Odete da Silva Viegas, hateten, liu hosi programa demographic survey ne’ebé hala’o hosi Diresaun Saúde Públiku Nutrisaun ne’ebé hala’o ona iha tinan 2013 to’o 2020 rezulta proporsaun ma nutrisaun nafatin rejista iha munisípiu tolu ne’e.

“Ita-nia Diretór munisípiu sira mós marka ona prezensa no sira bele hatene katak, estadu nutrisaun iha sira-nia munisípiu sei nafatin hatudu progresu ne’ebé seidauk másimu katak taxa ma nutrisaun ne’e kontinua aas, liu-liu munisípiu tolu ne’ebé ita mensiona”, Diretora Jerál Prestasaun Saúde MS ne’e ba jornalista sira hafoin partisipa aprezentasaun rezultadu demographic survey nutrisaun iha salaun City 8, Manleuana-Díli, Tersa (16/02/2021).

Odete esplika, hahalok edukasaun mak determinante ba inan-aman sira, atu nune’e ba oin ne’e inan sira atu providénsia ka fó estadu nutrisaun ne’ebé di’ak asesivél liu ba sira-nia família.

“Nutrisaun ne’ebé di’ak liu hosi fatór determinante mak edukasaun iha uma-laran, atu nune’e ho kondisoens ne’ebé di’ak ba oan sira, tanba ne’e haree ba iha asesivél atu hetan hahán ida ne’e mak di’ak ho nutrisaun ba iha família, ida depende ba hahán iha ka la’e no ema ekonómikamente nia bele asesu ba hahán nutriente ka la’e. Nune’e mós relasiona ho ema ne’ebé kiak no ema ne’ebé riku katak, ema ne’ebé riku la signifika ninia kondisaun nutrisaun ne’e atu di’ak, tanba ema riku mós hatudu obesidade katak, ema ne’ebé kiak mós sai problema no ema riku mós sei sai problema, maibé importante mak edukasaun oinsá ita ida-idak eduka ita-nia-an, hodi fornese nutrisaun ne’ebé adekuadu ba ita-nia família”, alerta Diretora Jerál Prestasaun Saúde ne’e.

Iha sorin seluk, Diretór Servisu Saúde Munisípiu Ermera (SSME), António de Deus Fátima, reforsa, SSME ho instituisaun relevante sira dau-dauk ne’e halo hela esforsu, atu nune’e bele redús ma nutrisaun.

“Ita hotu hatene katak, munisípiu Ermera númeru populasaun boot, entaun ita haree katak populasaun ne’ebé iha tinan ba tinan númeru aumenta no ida ne’e sai mós fatór ida atu hamosu taxa ma nutrisaun”, tenik António.

Nia hatutan, SSME halo hela esforsu ba servisu lubuk ida, liu-liu oinsá atu prepara ai-han ne’ebé di’ak, ba inan-isin-rua no mós ba bebé sira.

“Ita hotu hatene katak, dalaruma mós nivél komprensaun ita-nia inan-isin-rua sira ne’ebé iha área rurál sira seidauk iha koñesimentu ba prepara hahán di’ak ba labarik sira no mós inan-isin-rua sira, tanba bazeia ba rezultadu peskiza ne’ebé aprezenta hosi Diresaun Saúde Públiku nian katak, nivél edukasaun mós sai hanesan fatór importante ida, atu bele fó mós impaktu ba iha nutrisaun. Ha’u haree iha munisípiu Ermera kuaze postu Administrativu lima ne’e sofre ba iha ma nutrisaun”, subliña Diretór SSME.

Enkuantu tuir dadus demographic survey hosi MS katak, demographic survey  ba dalarua hosi tinan 2013 to’o 2020 hatudu, prevalénsia stunting ba iha munisípiu sira hanesan Ermera 63.4%, Ainaro 60.3% no Oe-Cusse 57.1%. eni

Lee hotu :   Kazu Dengue Ermera sa’e ba 215, CVTL halo sosializasaun ba prevensaun

Add to Comments Here!!!!

error: Content is protected.
Secured By miniOrange
You might also like:
CNRT husu MP atualiza la-lais Alkatiri nia keixa

Membru Comissão Política Nacional (CPN) partidu...

Governu halo Programa Sesta Bázika lufu-lafu de’it

FOTO: Komunidade suku Bebonuk, munisípiu Díli...

CNRT: Governu lockdown munisípiu rua la suspende prosesu aprendizajen

Reprezentante povu iha uma fukun Parlamentu...

Close