JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan rua tama ilegál mai TL pozitivu COVID-19

Timor-oan rua tama ilegál mai TL pozitivu COVID-19

Ministériu Saúde (MS) liu husi Komisaun Nasionál COVID-19 rejista tan Timor-oan na’in rua (2) pozitivu COVID-19, ne’ebé kompostu husi feto ho idade 28 no mane 20.

Entre sira na’in rua ne’e, mane tama ilegál mai Timor-Leste (TL) liu husi fronteira área Tunubibi, feto husi Tapo Memo-Bobonaro no sira la koñese ema ne’ebé tula sira ho motor (ojek).

“Iha 5 Fevereiro 2021 nia sai husi Timor ba Atambua-Indonézia liu husi dalan ilegál ho objetivu bá vizita família (inan-kiik) mate no hela iha ne’ebá durante loron 5. Iha 10 Fevereiro nia fila husi Atambua mai TL nafatin liu husi dalan ilegál área Tunibibi, Munisípiu Bobonaro. Iha Tunubibi nia ba Maliana vila ho motor (ojek), maibé nia la koñese, husi Maliana vila kontinua viajen ba Postu Administrativu Bobonaro ho Angguna (transporte públiku). Iha Angguna laran iha pasajeiru hamutuk na’in 11, inklui motorista no ajudante (konjak). To’o iha área suku Lourba, Bobonaro sidadaun ilegál ne’e no ho pasajeiru na’in 4 tun husi Angguna kontinua bá to’o iha postu Bobonaro Vila. Nia informa iha Bobonaro nia hela mesak iha nia uma no laiha família ida hela ho nia. Loron tuir mai komunidade iha área nia hela ba informa ba autoridade lokál no mós seguransa polísia ho parte vijilánsia munisípiu foti kedas sidadaun ne’e mai eskuadra PNTL Maliana vila hodi hala’o investigasaun”, Koordenadór Pilar VII COVID-19,  Nilton do Carmo da Silva hato’o asuntu ne’e liu husi konferénsia imprensa iha salaun Palaçio das Cínzas, Caicoli-Díli, Domingu (14-02-2021).

Nia akresenta, remata tiha investigasaun iha loron 11, fulan Fevereiru, ekipa vijilánsia munisípiu lori sidadadun refere ba kuarentena Batugade. Swab Test foti iha loron 13 no rezultadu pozitivu relata iha loron 13.

Servisu Vijilánsia Munisipál Bobonaro ho autoridade seguransa iha Maliana, identifika no hetan ona kondutór Angguna ho nia ajudante ne’ebé tula pasajeiru sira no submete ona ba kuarentena Batugade.

“Dau-daun ne’e ekipa sei buka tuir (Contact Tracing) pasajeiru hotu iha Angguna refere no balun ekipa identifika ona, maibé balun seidauk, atu dehan de’it katak solusaun di’ak liu ba ita-nia komunidade no ita-nia nasaun TL mak sidadaun hotu tenke hakmatek iha fatin, labele hakat fronteira tama no sai, tanba atitude ne’e sei lori perigu boot ba populasaun tomak iha Timor”, tenik Koordenadór Pilar VII COVID-19 ne’e.

Koordenadora Jerál Komisaun COVID-19, Odete da Silva Viegas, informa, pozitivu COVID-19 feto ho idade 28 ne’e tama ilegalmente ho ninia oan feto idade tinan ida (1) resin.

“Atualiza kazu pozitivu foun COVID-19, ohin, 13 Fevereiro 2021, husi Komisaun Nasionál rejista tan kazu konfirmadu pozitivu COVID-19 Timor-oan na’in 1. Pasiente ne’e feto ho idade 28, asintomátiku. Iha 28 Janeiro 2021 Timor-oan ne’e ho nia-oan feto ki’ik tinan 1 fulan 7, sira na’in 2 viajen husi Atambua-Indonézia mai Timor deside liu husi dalan ilegál ka klandestina iha área Memo, munisípiu Bobonaro, to’o iha Maliana inan ne’e konsege aluga motor (ojek) lori sira na’in 2 atu mai liu Díli. Wainhira sira to’o iha Kuartel Unidade Polísia Fronteira (UPF) Batugade hetan liu husi pasa revista husi ajente Polísia UPF no identifika katak, sidadaun ne’e tama klandestina”.

“Iha biban ne’e kedas Polísia UPF lori inan ho oan ne’e ba iha kuarentena Batugade, Mota-Ain, munisípiu Bobonaro. Inan pozitivu ho nia-oan dau-dauk ne’e iha ona izolamentu, maibé iha sala ketak no labarik nia kondisaun mós di’ak hela. Agora liga fali ho ojek na’in ne’e ekipa halo tiha ona investigasaun ho pasiente COVID-19, maibé nia dehan, la koñese ema ne’e, inklui mós númeru matrikula motor refere. Iha 12 Fevereiro ekipa ba halo teste Swab, rezultadu pozitivu, relata pozitivu iha data ne’ebé hanesan (12/2)”, tenik Odete.

Entretantu Odete deklara, liga ho informasaun kontaktu direta (Close Contact) ne’ebé kuaze ema partilla iha Média Sosiál (MédSos) no públiku preokupa relasiona ho ema tama ilegál mai TL to’o ninia rezidénsia iha loron 8, fulan Fevereiru ne’e.

“Investigasaun dahuluk ilegál pozitivu ne’e nia la fó informasaun kle’an katak, nia hasoru uluk ninia la’en iha Kuluhun, maibé nia ba direta Beto-Comoro. Liu husi biban ida-ne’e atu hato’o katak iha loron 12, fuan ne’e, ekipa vijilánsia halo fali investigasaun ba ilegál pozitivu no mós ba ema na’in 4 ne’ebé deskonfia Close Contact entre sira ne’e mane na’in 3 ho idade 45, 7, 5 no mós feto 1 tinan 7. Investigasaun daruak ilegál pozitivu ne’e dehan, iha 28 Janeiro, nia ho nia kaben aluga Taxi tula sira ba iha família iha Beto, maibé família la simu no kontaktu kedas ba parte vijilánsia, hodi ba tula no lori ba kuarentena Tíbar. Iha momentu ne’e kedas ekipa kontaktu kedas ba señora Eliza no ekipa vijilánsia hamutuk ho ekipa Sentru Integradu Jestaun Krize (SIJK) no Polísia tula kedas nia-kaben ho oan na’in 3 ne’ebé deskonfia Close Contact lori ba submete kuarentena iha otél Novo Horizonte, iha loron 12, fulan ne’e, ekipa foti sira-nia Swab teste no rezultadu teste hatudu negativu COVID-19”, dehan Koordenadora Jerál Komisaun COVID-19 ne’e.

Nia informa tan, iha mós sidadaun tama ilegál na’in ida, husi Postu Administrativu Turiscai, Munisípiu Manufahi. Timor-Oan ne’e mane ho idade 36 no nia halo Close Contact ho mane na’in ida ho idade 34.

“Nia viajen husi Indonézia (Surabaya-Kupang-Atambua) iha 9 Fevereiro. 11 Fevereiro husi Atambua tama mai Timor liu husi dalan ilegál área Batugade. Husi Batugade mai Díli ho bus (transporte públiku) diresaun Maliana-Díli no tun iha terminál Tasi Tolu. Iha Tasi Tolu nia família hein kedas no tula fali nia ho motor ba Turiscai. To’o iha Turiscai iha iha kalan tuku 09:00, Polísia no ekipa vijilánsia husi Sentru Saúde Turiscai foti kedas sidadaun refere lori ba triajen iha Sentru Saúde Turiscai. Sentru Saúde Turiscai komunika ba pontu vokál vijilánsia iha Servísu Saúde Munisípiu (SSM) Manufahi no pontu vokál mós informa direta ba parte vijilánsia nasionál no Diretóra SSM Manufahi. SSM Manufahi enfrenta difikuldade transporte, maibé la konsege refere ilegál ne’e mai Díli, nune’e sidadaun ilegál toba kalan ida iha triajen Sentru Saúde Turiscai. Iha loron 12 Fevereiro, ekipa vijilánsia koordena ho ekipa SIJK tula ona hodi submete ba kuarentena iha otél Novo Horizonte, Díli. Swab teste foti iha 12 Fevereiro no rezultadu PCR Test hatudu ilegál ne’e negativu COVID-19”, subliña Odete.

Dadus husi MS hahú husi loron 6, fulan Marsu, tinan 2020 to’o loron 14, fulan Fevereiru, tinan 2021, hatudu kumulativu kazu COVID-19 iha TL hamutuk 102, kazu foun 1, atuál baixa 40 no rekuperadu 62.

Entretantu tuir dadus mundiál dau-daun ne’e, totál kazu COVID-19 hamutuk 109,156,020, mate 2,406,571 no rekuperadu 81,203,126. eni

Lee hotu :   Pasiente COVID-19 sidadaun Indonézia evakua ona ba Austrália

Add to Comments Here!!!!

error: Content is protected.
Secured By miniOrange
You might also like:
KTAOX sei lori Xanana sai PR

Klibur Tane-Aas Obra Xanana (KTAOX) hahú...

UPF kaptura ema 30 tama ilegalmente mai TL

Komandante Jerál Polísia Nasionál Timor-Leste (PNTL),...

Expo Dubai 2020: TL aposta em setores como agricultura e turismo para atrair investimento

O Coordenador-Geral da Expo Dubai de...

Close