JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19: Kazu konfirmadu foun 70

COVID-19: Kazu konfirmadu foun 70

Koordenadór Forsa-Tarefa bá Prevensaun no Mitigasaun Surtu COVID-19, Rui Maria de Araújo, hateten, Timor Leste (TL) rejista tan kazu foun hamutuk 70, hosi númeru refere Munisípiu Díli 65, Aileu 2, Manufahi 1, Covalima 1, no Ainaro 1.

 “Kazu detetatu foun ne’ebé relata iha dia 18 Abril 2021: 70 (iha Díli 65, iha Munisípiu seluk 5). Hosi total kazu detetadu foun ohin, mane 46, feto 24. Hosi total kazu detetadu foun ohin asintomátiku 64 (91,4%), sintomátiku. Hosi total kazu detetadu foun ohin, 54 (77%) maka deteta, tamba halo teste ho razaun atu halo viajen ka halo ona viajen ba Munisípiu hafoin deteta pozitivu. Maski nune’e, sira ne’ebé rezultadu teste pozitivu, sira nia hela fatin, iha Díli, iha duni cluster sira ne’ebé iha kazu detetadu barak”, afirma Rui Araújo, lihosi komunikadu ne’ebé GMN asesa, Domingu (18/04/2021) hosi Centro Integrado Gestão de Crises, Sala Situação (CIGC-SS) nian.

“Kazu rekuperadu ne’ebé ralata iha dia 18 de Abril 2021: 21. Total kazu ativu ohin dia 18 de Abril 2021  641. Hosi horiseik mai ohin, hamutuk hotu Laboratóriu Nasionál Saúde halo 983 testes PCR, ho detalles hanesan tuir mai, vijilánsia sentinela 18, rastreiu ba kontaktu (Contact tracing) 17, rastreiu Aleatoriu (Random Screening) 362. Viajen sai hosi serka sanitária Munisípiu Díli 566,  Viajen internasionál 20. Follow up iha quarentena 0”.

Nia dehan, iha kazu detetadu sintomátiku lijeiru balun oras ne’e iha fatin izolamentu, mak keixa hanesan parte hosi sintomas, susar ou labele atu horon morin ka dois, ida ne’e parte hosi sintoma Covid-19.

“Favor labele pániku, tamba maioria ema ne’ebé hetan sintoma hanesan ne’e, sei rekupera fali ninia kapasidade atu horon sasan, kazu grave ne’ebé iha Vera Cruz, nafatin uza ventilador no aimoruk balun tuir protokolu ne’ebé Timor-Leste adopta”.

Lee hotu :   Timor Leste sei domina seksu livre

Rui Araújo kontinua apela bá populasaun iha Timor-Leste laran tomak, atu respeita nafatin regra prevensaun no ijiéne individual, ne’ebé Governu hatu’ur ona atu prevene moras Covid-19 da’et ba mai.

“Regra sira ne’e, hanesan ita hotu hatene ona maka, uza máskara, fase liman

beibeik ho sabaun ka dezinfetante ruma, evita kose liman ba matan, inus ho ibun,

wainhira kumprimenta malu, la presiza ka’er liman, bensa-liman, rei-malu ka haku’ak

malu, evita halibur malu barak, hamri’ik ka tur do’ok hosi ema seluk mínimu

metru ida ho balun”,haktuir Rui Araújo. Efy

Add to Comments Here!!!!

error: Content is protected.
Secured By miniOrange
You might also like:
Korea kontribui USD100,000 ba asisténsia umanitária iha TL

Governu Korea kontribui 100,000 dollar Americano...

MOQURA-X prontu fó apoiu ba Xanana iha kualker situasaun

Movimentu Quadru Rezistensia e Rezistensia Apoiu...

SEPS sei la fó tempu naruk buka mate-isin ne’ebé lakon

Sekretaria Estadu Protesaun Sívil (SEPS), kontinua...

Close