JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SIJK halo diskriminasaun iha konferénsia virtuál

SIJK halo diskriminasaun iha konferénsia virtuál

Hafoin Timor Leste (TL) rejista transmisaun lokál, Ministériu Saúde (MS) liu hosi Sala Situasaun Sentru Integradu Jesaun Krize (CIJK), hodi foti desizaun atu Jornalista sira asesu informasaun ba aktualizasaun dadus bá Covid-19 liu hosi Zoom konferénsia (Konferénsia virtual).

Desizaun asesu informasaun liuhosi konferénsia virtual ho objetivu atu evita virus refere labele daet ba Jornalista sira, maibé haree ba ikus-ikus ne’e konferénsia refere jornalista kuaze la asesa,  nune’e sira konsidera SIJK halo diskriminasaun.

“Ha’u haree hanesan zoom ne’e diskriminativu no afavor ba ema balun deit,  se bele, ho respeitu tomak, ha’u sujere para tiha ho zoom sabraut bo’ot ida ne’e,  la serve,  Se bele buka meius seluk, Ha’u hatene Dr. Rui Maria de Araújo mos iha grupo ne’e nia laran,  favor responde ha’u nia pergunta,  Vírus nebe multiplika iha ema ne’ebe mate ona, bele haksoit sai mai hadaet ba ema seluk ka lae?, hatete Jornalista balun hosi media Online hato’o prekupasaun ne’e, liuhosi grupu ne’ebe SIJK kria ba jornalista sira ne’ebe durante ne’e hala’o kobertuura ba asuntu Covid-19 iha TL.

Jornalista ne’e sujere  ba admin ne’ebe kria Grupu refere, atu inklui Dr Rui iha laran, hodi nune’e bele responde perguntas jornalista sira nian ne’ebe tau ona iha grupu ne’e.

“Favor simu ha’u nia sujestaun atu inklui Dr. Rui iha grupo ne’e hodi responde ami nia pergunta ruma. please favor ida ita rona malu mak diak, ikus-ikus ne’e ha’u nota kuaze maioria mak la bele asesu. ne’e grave, grave tebes. se kontinua nune’e, hau seu organiza kolega jornalista sira ba buka Dr. Rui iha nia uma hodi halo entrevista. ita iha problema uza zoom husi inisiu kedas. presiza rezolve. presiza rona ami nia sujestaun no simu solusaun,” nia sujere.

Lee hotu :   Médiku Hemodiálise tama kuarentena, vida pasiente 98 ameasadu

Iha fatin hanesan Media Online balun afirma, SIJK tenki buka alternativu ruma hodi rezolve prekupasaun refere, media seluk mos iha direitu asesu ba informasaun, limita fali liberdade espresaun.

“Espera sira bele buka alternativu ruma hodi rezolve nee preokupasaun ita hotu nian. Media seluk mos iha diretu asesu ba informasaun, limita fali liverdade espresaun nee ladun diak. Ita hotu hakarak kolabora no ita hotu hanoin diak hodi partila informasaun liuliu informasaun surtu.Tan nee, maun sira organiza ami ho diak ba. Hanesan horseik ita asesu hodi hatoo pergunta labele so uniku espasu diak Lusa, jornalista timor oan nian pergunta laiha nee tanba saida?,” nia preokupa.

Responde ba prekupasaun ne’e Media MS ne’ebe apoiu iha SIJK responde, opsaun zoom ne’e, tanba konkordansia Jornalista ho SIJK, nune’e zoom ne’e livre ba jornalista hotu.

“Opsaun ida zoom ne’e  tamba konkordansia ita hotu nian laos ami dt, ita bo’ot sira nia prekupasaun sai mos ami nia prekupasaun hotu,  tamba ita bo’ot sira la partisipa, kona ba ida dehan fali limita ne deskulpa,  la limita ema zoom ne livre ba jornalista hotu, ami limita mak tempu konferensia tamba ita buat hotu tenki lao ho nia tempu,” nia responde.

Tuir nia katak, agora dadaun transmisaun kuaze akontese iha bairo hotu iha Díli laran tanba ne’e, sei la permiti hodi halo press konferensia ne’ebé  involve ema barak.

“Ita mai husi bairo oi-oin ne risku tebes,  atu diak liu mak bele husu apoio ba malu,  karik maluk sira ne’ebe susar atu asesu liu husi zoom ne’e para ita bele rezolve hamutuk hodi partisipa ho diak. Hodseik linha internet mak ladiak tanba ne’e,  maluk barak labele asesu, hakarak hatoo ho klarumente laiha  diskriminasaun ba maluk media hotu hodi partisipa iha Zoom conference ne’e, ita nia perparasaun antes ne’e mak presiza tau atensaun liga ho rede internet ne’eb ita iha, provizoriumente sei  laiha hasoru malu oin ho oin, ba maluk sira ne’ebé la satisfas karik ida nemak situasaun ne’ebe ita hotu tenki simu”,esklarese nia.

Lee hotu :   PN husu sidadaun kontinua kumpre regra OMS

Iha biban ne’e, nia mos responde ba sujestaun hosi Jornalista sira atu inklui Dr Rui iha Grupu, nia responde,   Dr Rui n’uudar Eis Titulares ida sei la inklui iha kualker grupu.eni

Add to Comments Here!!!!

error: Content is protected.
Secured By miniOrange
You might also like:
CNRT: Xanana defende lian laek nia halerik la’ós tanba lakon podér

Xefe bankada CNRT, Duarte Nunes, afirma,...

Lere hasoru Xanana ho matan-been, Xanana: Tiru mate tiha ha’u mak foti mate-isin

Xefe Estadu Maiór Jenerál FALINTIL Forsa...

MS mantein desizaun atu haloot mate-isin AB tuir protokolu OMS

Ministra Saúde, Odete Freitas Belo, deklara,...

Close