JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pasiente COVID-19 preokupa ho fatin izolamentu la tuir padraun

Pasiente COVID-19 preokupa ho fatin izolamentu la tuir padraun

Pasiente ne’ebé izola iha Sala Izolamentu Fatuhada prekupa ho  fatin izolamentu ne’ebé Governu prepara,  liu-liu fatin toba ne’ebé mak laiha espasu metru ida, ou la tuir padraun izolamentu nian.

“Tuir loloos iha fatin izolamentu, pasiente ida-idak tenke toba iha kuartu ida-idak,  atu nune’e bele izola-an mesak,  no labele hadaet fali virus ba ema seluk, selae sira lori hela mai sulan hanesan karau, ida ne’e bainhira los maka ita rekopera hosi covid-19”,hatete pasiente Covid-19,  ne’ebé izola iha sala izolamentu Fatuhada, hato’o sira nia preokupasaun ne’e iha via online ne’ebé GMN asesu iha Segunda (03-05-2021).

Pasiente ne’e esplika Governu liuhosi Ministériu Saúde tenki trata ema hotu hanesan, tanba haree ba realidade katak, Governu halo atendementu balun diak no balun ladun diak.

“Ha’u husu ba Governu buka fatin ida seguru, labele lori ami hanesan karau luhan hamutuk iha fatin ida ne’e, ne’e ita atu halakon Covid mais aumeta Covid tan, e depois ita haree iha parte seluk dehan ita mai iha ne’e fó aimoruk pois dehan konsumu aihan didiak para ita nia saude ne’e atu rekopera, maibe mai iha ne’e ikan musan rua ho modo tahan ida”,lamenta pasiente Covid-19.

Pasiente Covid-19 ne’e afirma, tuir sira nia haree fatin izolamentu ne’e tau ema ida iha kuartu ida labele toba jeral iha fatin ida, atu bele iha distansiamentu.

Iha biban ne’e pasiente sira mos prekupa ho lixu ne’ebé mak tau iha fatin izolamentu to’o loron rua tolu, maibé laiha ema ida maka raut, nune’e bele prezudika fali pasiente sira nia saúde.

“Fatin izolamentu ida ne’e ita haree nakonu ho lixu loloos fatin izolemntu ne’e labele sai hanesan ne’e, ne’e ita haree bele prezudika ba ema nia saúde, lalar nakonu, dois ita hamrik iha sorin deit mos terus labele”,argumenta pasiente.

Lee hotu :   HNGV rejista moras dengue 92 no ida mate

Relasiona ho kestaun ne’e Ministra Saúde,  Odete Maria Freitas Belo hatete, Ministériu Saúde nia obrigasaun  mak oinsa buka fatin,  hodi akumula pasiente sira,  ne’ebé ho Covid-19.

“Ministériu Saúde ami la’os dehan katak fatin la sufisiente atu halo oinsa mós MS iha obrigasaun atu ba buka fatin iha ne’ebé, atu akumula ita nia pasiente sira ho Covid-19, tuir ha’u nia haree fatin Fatuhada ne’e diak, ha’u mós bele ba toba iha ne’ebá hanesan Fatuhada nian ne’e ema nia uma diak foun, se karik ha’u moras ha’u prontu ba hela iha ne’ebá”,tenik Odete Belo. eni

 

 

Add to Comments Here!!!!

error: Content is protected.
Secured By miniOrange
You might also like:
PR Lú Olo promulga ona OR

Prezidente Parlamentu Nasionál, Aniceto Guterres Lopes,...

Governu seidauk sobu Ponte Becusse tanba dezeñu sei iha prosesu

Governu seidauk sobu Ponte Becusse Taibesi...

CNRT konsidera PR Lú Olo inkonsisténsia estende mandatu PTR

Deputada CNRT, Carmelita Caetano Moniz, konsidera,...

Close