JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo konvida eis membru arte marsiál tolu “Reativa arte marsial tenki altera uluk lei”

PR Lú Olo konvida eis membru arte marsiál tolu  “Reativa arte marsial tenki altera uluk lei”

Maaf, this entry is only available in Tagalog. For the sake of viewer convenience, the content is shown below in the alternative language. You may click the link to switch the active language.

Prezidente Republika, Francisco Guterres Lú Olo, Tersa (19/03) konvida eis membru arte marsiais tolu, PSHT, Korka no Kera Sakti ne’ebé governu deside taka ona.

Eis membru organizasaun Artemarsiaias aseita Re-ativa hikas, arte marsiais PSHT, Korka no Kera Sakti, ne’ebé Governu desidi taka, maibé, tenke altera uluk lei númeru 5 / 2017 konaba armas brankas no lei númeru 16 / 2013, kona-ba rezolusaun Governu ne’ebé dedisi hapara total atividade arte marsiaias.

Porta voz eis arte marsiais PSHT,  Abílio Mesquita, hateten ajenda enkontru ho Prezidente Repúblika ne’e hodi kumpri konvite husi gabinete palásiu prezidensiál, hodi koalia konaba atividade eis arte marsiais nian durante ne’e hafoin governu suspende.

Durante iha ekontru ne’e, eis arte marsiais hato’o mós sira nia prontidaun ba re-ativa arte marsiais tolu ne’ebé Governu desidi taka. Maibé, ho hanoin ida mak Governu tenke altera uluk lai lei númeru 5 / 2017 kona-ba armas brankas no labele uza atributu arte marsiais  no lei númeru 16 / 2013 kona-ba rezolusaun Governu  hodi hapara atividade eis arte marsais.

“Ho hanoin diak nai prezidenti nian husu ba ami tanba iha tempu uluk liu iha tempu kampaña lideransa politik sira, liu-liu partidu bo’ot sira CNRT, PLP no seluk-seluk tan, sira mos halo komprimisiu ho arte marsiais ne’ebe sira rasik hasai lei hodi hasai rezolusaun no taka”, dehan Abilio Mesquita.

Abilio Mesquita dehan, “Sira halo komprimisiu katak bainhira sira tur iha Governu sira loke ou autoriza re-ativa fila fali arte marsiais, maibe ami nudar arte marsiais ami ejizi se karik hakarak loke prezidenti koalia ho Governu loke tenke altera tiha lei numeru 5/ 2017 ho lei 16/2013, bele koalia kona-ba re-ativa arte marsiais,” dehan.

Lee hotu :   Governu aprova esplorasaun Magnésio iha RAEOA

Nune’e mós, Eis prezidenti arte marsiais Kera Sakti Silvester Xavier Sufa reforsa katak, bainhira eis arte marisiais re-ativa ona sira prontu kumpri rekezitus no regulamentu sira ne’ebé mak governu estabelese.

“Ami prontu atu hadia lei interna nian no prontu atu koopera ho Governu bainhira konserteza arte marsiais sira atu loke liu husi lei ne’ebe regirozu no rekezitus balun mak tenke priense husi arte marisiais nain hira ne’ebe Governu suspende,” reforsa,  Silvester Xavier Sufa.

Antes ne’e, Pezidenti Repúblika Francisco Guterres Lú Olo hateten arte marsiais hanesan parte ida husi desportu atu bele kompete iha nível nasionál, rejionál no internasionál hodi reprezenta Estadu Timor Leste. Maibé, arte marsiais mós tenke kontribui nafatin paz, dame no estabilidade ba povu no iha territóriu Timor Leste(TL). Eus

Add to Comments Here!!!!

error: Content is protected.
Secured By miniOrange
You might also like:
FRETILIN konsidera AMP tenta blokeia opozisaun

Bankada Frenti Revolusionáriu Timor-Leste Independensia (FRETILIN),...

Diakonal na’in 5 simu ordenasaun

Diakonal na’in lima (5), Tersa (19/03),...

FRETILIN lamenta Xanana Gusmão hamós valeta

Deputada bankada FRETILIN, Maria Angelica, krítik...

Close