Simitériu Garden of Rememberance Australia sai referensia ba TL

Sekretáriu Estadu Asuntu Kombatente Libertasaun Nasional, Gil da Costa Monteieu “Oan Soru” hatete, simitériu Garden of Remeberance ba funu na’in segunda guerra mundial  iha Sydney Australia,  sai hanesan referensia ba VIII Governu konstitusional, hodi bele kria kondisaun di’ak ba simitériu nasional Timor-Leste nian, atu bele halot didi’ak restu mortais luta na’in  Timor nian.

“Vizita mai iha ne’e, ita atu bele hetan referensia ruma, relasiona ho ita-nia ema ne’ebé mate ba independensia Timor Leste nian, konsideradu como desaparesidu, tanba tuir kultura timor ninian, ita dehan mate sira ita la hetan mós, ita tenki hetan fatuk, maibé hanesan membru Governu no mós veteranu katak, konteudu mak ba Timor-Leste no família sira fó valorizasaun, ba ema individu ida ne’ebé mak mate ho naran, José ba independensia Timor-Leste nian”, hateten Oan Soru ba Jornalista GMN, Tersa (23 /04/2019) iha Sydney Australia.

Gil da Costa haktuir, presiza atu fó valor ba ema ne’ebé mate ba luta Estadu Timor-Leste, inklui família sira bele presta homennajen.

Gil esklarese, hanesan Sekretáriu Estadu ba Asuntu Kombatente Libertasaun Nasional, iha ona idea balun kona ba ida ne’e, maibé presiza kompleta ideia sira ne’e.

“Oportunidade ida ne’e ita labele husik liu leet de’it, ita tenki aproveita foti bua ruma, atu nune’e ita bele kompleta buat ruma, no planu ne’ebé di’ak liu, tanba Timor-Leste nia independsia ne’ebé atu komemora iha loron 30 mai, sei komemora tinan 20 ba loron konsulta popular, maibé ita mós presiza ideia balun, no husi simetériu segunda guerra mundial ne’e nu’udar referensia ida, atu ita kompleta buat balun hodi  fó valor ba ita-nia heroi sira”, katak Oan Soru.oly