ARNLV kondena grupu balun halo kobransa Ilegal

Asosiasaun Rezistensia Nasional Libertasaun dos Veteranus (ARNLV), kondena aktus husi grupu balun, ne’ebé lori naran  ARNLV nian, hodi halo kobransa illegal ba veteranu sira iha área rural.

Prezidenti ARNLV, Eduardo da Costa, husu ba Polísia Nasional Timor-Leste (PNTL), atu kaptura ema hirak ne’ebé  falsifika no manipula ema seluk.

“Fó hatene ba públiku katak, Diresaun Nasional Asosiasaun da Rezistensia Nasional Libertasaun dos Veteranus, (ARNLV) deklara ejistensia asosisasaun nian preparadu hela ba tomada de posse, ba  dezenvolvimentu institusional nian, nune’e mak hato’o ba públiku katak, Diresaun Asosiasaun kondena maka’as ba asaun sira ne’ebé, halo kobransa illegal. Intrega ba autoriedade relevante, liu liu PNTL, atu halo kaptuarasaun ba ema sira falsifikador no  manipulador ne’e”, dehan Eduardo da Costa ba Jornalista sira liu husi konferensia ba imprensa, iha Cacoli Díli, Tersa (14/05/2019).

 Eduardo haktuir, Prezidente no membru Diresaun Asosiasaun nian foin prepara kartaun ba nia membru na’in 14, no seidauk fahe, tanba hein tomada posse.

“Diresaun Nasional seidauk orienta kualker membru ida hodi hala’o servisu asosiasaun nian iha baze, no uza kartaun asosiasaun ARNLV nian, hodi halo kobransa ilegal  no promesa falsu”, relata Eduardo.

Prezidenti ARNLV ne’e akresenta liu tan, Diresaun Asosiasaun foin identifika membrus veteranus real iha teritóriu tomak, hodi prepara no deskreve ona iha estatu ARNLV, no Asosiasaun ne’e rasik sei halo kartaun no fahe ba membru veteranu sira.

“Diresauun Asosiasaun ne’e kontra kobransa ilegal, korupsaun, divide por dois, furtos no mafias seluk  ne’ebé kontra lei, Diresaun Asosiasaun mós apelu ba veteranu sira, labele fó osan hodi sosa imi nia  direitu, mai iha komisaun homenazen priense imi nia viza, se la’e mai iha Diresaun ARNLV nian bele ajuda fahe informasaun tuir dalan legal”, fundamenta Eduardo.oly