JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade lokal lamenta ho apoia emerjensia ba vítima ahi han uma

Autoridade lokal lamenta ho apoia emerjensia ba vítima ahi han uma

Xefe Aldeia Nubadak, Suku Akadiru-hun, Postu Administrativu Nai Feto, Munisípiu Díli,  Domingos  Mahasse Nunes, lamenta ho apoiu emerjénsia dezastre naturais ba vítima ahi han uma iha Bidau Akadiru-hun, tanba apoia ne’e, la han malu ho situasaun ne’ebé vítima sira infrenta.

Dezastre ne’e, akontese iha loron Sábadu loron 6/7,  maibé apoiu humanitária husi ekipa emerjensia husi Ministériu Solidariedade Sosial no Inkluzaun, foin mak fó iha   Segunda loron 8/7 ne’e.

Xefe Aldeia Nubadak, Domingos  Mahasse Nunes agradese ba ajuda ne’ebé ekipa emerjensia dezastre naturais sira fó ba vítima hodi bele uza ba nesesidade uma laran, maibé senti triste tanba apoiu ne’ebé ekipa refere  oferese la han malu ho situasaun ne’ebé sira infrenta

 “Ami nu’udar autoridade lokal agradese barak ba apoiu ne’ebé fó ba ha’u nia komunidade sira ne’ebé hetan dezastre, maibé senti triste tanba lolos apoiu ne’e labele lori de’it  nesesidade báziku, maibé tenki lori mós material konstrusaun nian hanesan, kalen no ai, tanba vítima sira ne’e laiha mahon ba sira hodi deskansa, bainhira tempu bai loron no udan mai”, lamenta Domingos.

Nune’e mós vítima Gerio Patricio Gaspar Pires senti triste, tanba apoiu ne’ebé Governu ofrese ba sira ne’e, la kondis ho situasaun ne’ebé sira infrenta.

 “Senti triste, tanba apoiu ne’ebé parte ekipa emerjénsia  husi Ministériu Solidariedade  Sosial no Inkluzaun fó, la kondis ho situasaun ne’ebé ami infrenta iha moris lor-loron, tanba oras ne’e dadaun ami atu deskansa ba família sira-nia uma, neduni ami nia hakarak mak oinsa bele apoiu material konstrusaun hanesan kalen ai no pregu, nune’e bele harii fali ami nia mahon hodi hela”,  hateten Gerio Patricio Gaspar Pires ba GMN iha nia hela fatin Akadiru-hun Segunda (08/07).

Lee hotu :   MTCI garante stock nesesidade baziku ba natal no tinan foún

Nia hatutan ekipa emerjénsia dezastre naturais sira fó apoiu mak foos saku rua, ember, manta, viti, musketeru no seluk tan, maibé ba material kontrusaun hanesan kalen no ai laiha, tanba família ida ne’e hamutuk ema na’in 11, kompostu husi ema bo’ot na’in 9, no ki’ik oan na’in rua.aba

Add to Comments Here!!!!

error: Content is protected.
Secured By miniOrange
You might also like:
HNGV lamenta família mate isin balun impede prosesu autopsia

Xefe Departementu Forensik Hospital Nasional Guido...

Solusiona problema, PN dezafia líder nasionál sira túr diálogu

Parlamentu Nasionál (PN) dezafia líder nasionál...

Alterasaun lei RAEOA-ZEESM aprova ona iha jeneralidade ■FRETILIN-PD la marka prezensa

Parlamentu Nasionál (PN) aprova iha jeneralidade...

Close