JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hamenus hamlaha no mellora literasia, EUA apoia millaun USD 26 ba ME

Hamenus hamlaha no mellora literasia, EUA apoia millaun USD 26 ba ME

Estadu Unidu Amerika (EUA), liu husi nia  reprezentante iha Timor- Leste (TL), apoia osan ho montante millaun USD 26 ba Ministériu Edukasaun (ME),  liu husi programa HATUTAN, oinsa hamenus númeru hamlaha no mellora literasia iha TL.

Embaixadora Estados Unidos America iha Timor Leste, Kathleen Fitzpatrick hateten, objetivu husi apoiu ne’e, alende atu redus hamlaha no mellora literasia iha TL, atu ajuda mós ME kona ba oinsa mellora labarik sira-nia edukasaun no nutrisaun.

“Projetu ne’e projetu edukasaun no nutrisaun, ne’e patrosinadu husi Estadus  Unidus America nia Ministériu Agrikultura nia programa, ne’ebé ho objetivu atu redus hamlaha no mellora literasia, no apoiu edukasaun primária, liu-liu ba labarik feto sira, ekipa HATUTAN sei servisu hodi mellora labarik sira-nia edukasaun, nutrisaun no kolabora ho agrikultur lokal sira hodi hasa’e liu tan produsaun aihan lokal nian”, hatete Kathleen Fitzpatrick ba jornalista sira iha Timor Plaza Comoro Díli, Kinta(11/7/2019).

Kethleen haktuir, ho objetivu atu redus hamlaha no mellora literasia estudante iha Timor-Leste, EUA liu husi  nia Ministeriu Agrikultura oferese osan Millaun  USD 26 ba programa HATUTAN, ne’ebé  ho esperansa bele fó benefísiu ba Timor-oan hamutuk rihun atus tolu rua nolu resin nen.

Iha fatin hanesan, Ministra Edukasaun Juventude no Desportu, Dulce de Jesus Soares relata,  apoiu orsamentu ho montante refere,  fó Ministériu Saúde liu husi programa HATUTAN, ne’ebé sei involve parte hotu.

“Apoiu orsamentu ne’e sei apoiu ba programa merenda escolar, programa literasia no mós ba eskola primária sira, ne’ebé iha programa ne’e sei iha buat balun ne’ebé iha eskola ladun di’ak, hanesan númeru absensia estudante nian sei aas, entaun liu husi programa ne’e, atu bele servisu di’ak liu tan ho Asosiasaun dos Paises Profesores, sei servisu hamutuk ho inan aman sira hotu, atu bele akompaña mós sira-nia oan iha prosesu aprendizajen, tanba atu hetan kualidade la’os de’it eskola de’it,  maibé presiza servisu parte hotu nian, atu nune’e bele garante kualidade edukasaun oan sira nian”, afirma Dulce de Jesus.

Lee hotu :   DNEAPT treina servidór sira oinsa atende bainaka

Nune’e mós Diretora CARE Internasional, Nicole Seibel esklarese,  implementasaun programa HATUTAN ne’e, alende atu hasa’e literasia estudante nian, implementasaun programa HATUTAN ne’e mós atu hadia prátika saúde iha área nutrisaun hijine iha eskola, no mós iha uma laran.

“Merenda eskolar Governu nian, dezeñu kapas tebes no popular tebes ho inan aman sira, no mós ho administrador eskola sira, tanba  tuir sira, bainhira la’o ho di’ak, merenda eskolar bele atrai alunu nia partisipasaun iha eskola, la falta eskola no bele mós ajuda sira-nia atensaun iha sala de aula, sei kabun mamuk entaun susar atu fó konsentrasaun ba matéria hanesan matemátika no seluk tan, tanba ne’e mak ita kria programa ida ne’e para apoia estudante sira atu nune’e bele fokus ba estudu”, relata Nicole Seibel.

Tuir planu, apoiu orsamentu ba programa HATUTAN ne’e ho durasaun tempu tinan  lima (5), hahú husi 2019 to’o 2023.ola

Add to Comments Here!!!!

error: Content is protected.
Secured By miniOrange
You might also like:
Aeroportu Nicolau Lobato seidauk priense rekezitu aeroportu internasionál

Aeroportu Internasionál Prezidente Nicolau Lobato Comoro,...

Prevene estudante labele fuma, Rui Araújo husu ME kria atividade extra iha kada eskola

Atu prevene estudante hatoman aan labele...

Vise PPN: Dirijente GAM balu la konsege kontrola membru

Primeira Vise Prezidenti Parlamentu Nasionál (PPN),...

Close