JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Servisu dulas fatuk iha Liquiça kontinua la’o, Xanana: Portu Tibar ba interese nasionál

Servisu dulas fatuk iha Liquiça kontinua la’o, Xanana: Portu Tibar ba interese nasionál

Eis Primeiru Ministru (PM), Kay Rala Xanana Gusmão, kontinua observa fatin dulas fatuk iha Kaitehu Munisípiu Liquiça, hodi fó orientasaun ba kompañia China Harbour kontinua hala’o atividade dulas fatuk ne’e atu produs britas ba Portu Tibar.

Xanana Gusmão fó orientasaun ba kompañia China Harbour atu kontinua servisu dulas fatuk ne’e, tanba tanba Portu Tibar la’os ba intrese privadu, maibé ba interese Nasionál.

 “Tanba ita-nia rai henek ita haree hotu-hotu ké iha mota laran ladun diak, dulas fatuk ba rai henek mak sei metin liu rai henek, mak hodi halo portu iha tasi laran, tasi okos, saida mak ita tau iha Portu Tibar ne’e tenki metin, para kleur, ho ida ne’e mak horseik (horibainrua) ha’u mai iha ne’e ho hirus oituan, tanba dehan katak, tribunal  ho Advogadu Kompañia Marino Enterprise ho naran Pedro Aparicio mai taka tiha dalan ba fatin dulas fatuk ne’e”, relata Xanana Gusmão ba Jornalista sira Kuarta (11/09/2019), Iha Kaitehu  Munisípiu Liquiça.

Xanana esklarese, fou-foun problema kona ba rai ne’e akontese, nia mak ba rezolve  ho Autoreidade Nasionál Petróleu no Minarais (ANPM), no  ANPM mak fó lisensa ba kompañia hodi hasai fatuk, fatuk ne’e  iha 100 kilometrus husi sorin-sorin, tanba fatuk ne’e  mak diak liu no besik liu portu Tibar.

“Agora servisu ba dulas fatuk ne’e hahú la’o fali ona, sira servisu nafatin, no ha’u dehan deit katak, se mak hakarak prende ha’u ba deit kaer maibé, servisu ne’e labele para, to’o agora Tribunal seidauk hasoru ha’u, tanba ne’e la’os ha’u nian, tanba ha’u mai defende deit interese nasionál, Marino labele reklama dehan rai ne’e nia avo ninian, nia avo nia ruin la hakoe iha ne’e, nia sosa rai pedasuk ne’e atu hetan benefísiu, maibé, ne’e la’os benefísiu”, Hatutan Xanana.

Lee hotu :   ARCTEL-ANCTL organiza forum komunikasaun CPLP ba dala 9

Lider rezistensia ne’e realsa liu tan katak, Kompania ne’ebe dulas fatuk ne’e fo servisu ba timor oan sira, hodi halo tan  portu tibar sei fo servisu barak ba timor oan, ho ema nia oan ida moris iha Maubise uluk iha tempu Indonezia nia moris kapas los.

“Tanba ne’e  horseik ha’u dehan, ema barak ne’ebé ohin loron hanesan iha kbiit oituan,  lahatene uluk 20 anos kotuk, sira vota ba independensia ka vota ba autonomia, ida ne’e mak ha’u husu, ita tenki haree interese nasional, la’os fali interese privadu ema nian, tanba portu Tibar ne’e konstroe ba dezenvolvimentu nasaun Timor-Leste”, Subliña Xanana.

Entretantu, antes ne’e, Kay Rala Xanana Gusmão, hirus no hato’o nia lamentasaun kona ba problema rai entre kompañia Marino Enterprise no China Harbour,  ne’ebé Kompañia  Marino Enterprise hato’o keixa ba tribunal hodi taka dalan ba fatin ne’ebé kompañia China Harbour dulas fatuk ba konstrusaun portu Tibar.

Xanana Gusmão ho ran nakali sobu lutu ne’ebé Tribunal taka atu kompañia China Harbour labele dulas fatuk, no fó orientasaun ba traballador sira husi kompañia China Harbour atu kontinua sira-nia servisu, tanba portu Tibar ne’e harii ba povu Timor-Leste tomak.oly

Add to Comments Here!!!!

error: Content is protected.
Secured By miniOrange
You might also like:
PN adia diskusaun ajenda dezlokasaun PR ba Nova Iorque

Prezidente Parlamentu Nasional (PPN), Arão Noe...

KM aprova proposta rezolusaun governu sosa kilat ba PCIC

Reuniaun Konsellu Ministru  (KM), Kuarta (11/09),...

Disputa rai iha Tibar entre kompañia, PTR: Senti prejudikadu Estadu bele hatama prosesu ba Tribunal

Prezidenti Tribunal Rekursu (PTR), Deolindo dos...

Close