JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Selebra aniversáriu ba dala 21, Banku Mandiri oferese ran ba BSN

Selebra aniversáriu ba dala 21, Banku Mandiri oferese ran ba BSN

Jerente Jeral Banku Mandiri (BM), Jan Winston Tambunan informa, banku Mandiri nia papel la’os halo deit negósiu, maibé ninia papel ida mós atu dezenvolve ekonómia komunitária, ho razaun ida ne’e mak iha aniversáriu banku Mandiri ba dala 21 ne’e, realiza aktividade doasaun ran ba Banco de Sangue Nacional (BSN).

“Ida ne’e hanesan reflesaun ida mai ami, tanba banku Mandiri ho idade ne’ebé maduru, ho ninia sentidu banku Mandiri la’os fó deit negósiu, maibé ninia papel atu dezenvolve ekonómia komunitária, banku Mandiri la’os limitadu deit iha área ekonómia, maibé hanesan mós grasa ida ba iha komunidade, doasaun ran ne’ebé mak ami hala’o ne’e hanesan agradesementu ida mai ami, ho prezensa banku Mandiri no ami nia prezensa iha ne’e tinan 16 ona iha Timor-Leste, ami hakarak halo buat di’ak ba komunidade sira liu husi doasaun ran refere”, Jerente Jeral BM ne’e ba jornalista sira iha salaun banku Mandiri, Kolmera, Kuarta (02-10-2019).

Husi sorin seluk, embaixador Indonesia iha TimorLeste, Sahat Sitorus hateten, liu husi eventu doasaun ran ne’ebé halo husi banku Mandiri ba BSN ne’e bele ajuda família sira ne’ebé mak presiza hela ran no liu husi doasaun ran ne’e, sai unidade no amizade, la’os deit iha parte sosial, ekonómia no polítika.

“Ha’u ho fuan no laran kontribui ran turuk ida ba ita nia família sira ne’ebé mak presiza hela ran, tanba liu husi doasaun ran ne’e bele hametin liu tan unidade no amizade entre banku Mandiri no komunidade sira. Ha’u mós hakarak hato’o mensajen ba komunidade Timor-Leste, Indonesia no mós nasaun sira seluk katak, fahe ita nia ran ba ema seluk ne’e ita la lakon, tanba Maromak fó sistema reprodusaun ran iha ita nia dolen (sum-sum-red) hodi produz fali wainhira ita fahe ita nia ran ba ema seluk, no ita la lakon, ne’e duni ita servisu hamutuk hodi ajuda ema seluk”, salienta Sahat Sitorus.

Lee hotu :   Xanana hamonu matan-ben vizita hikas nia subar fatin

Husi parte Banco de Sangue Nacional (BSN), Arsenio Afonso informa, senti kontenti tanba funsionáriu banku Mandiri no Kedutaan Besar Republik Indonesia (KBRI) voluntariumente oferese ran ba BSN, tanba liu ran ne’ebé sira oferese bele tulun pasiente hirak ne’ebé presiza teb-tebes tan.

“Senti kontenti, tanba ohin BSN halo doasaun ran ba funsionáriu banku Mandiri no KBRI ne’ebé fornese ran voluntariu ba BSN, tanba agora dau-daun iha ospital stock ran menus, entaun susar atu atende pasiente sira ne’ebé presiza ran iha ospital, tanba ne’e iha selebrasaun aniversáriu banku Mandiri, sira konvida BSN no Cruz Vermelha Timor-Leste (CVTL) mai iha ne’e hodi fo apoiu téknika hasa’i ran”, tenik Arsenio.

Entretantu ran hirak ne’ebé banku Mandiri no KBRI oferese sei haruka ba Hospital Nasional Guido Valadares (HNGV) ne’ebé hasoru hela situasaun falta ran no mós ospital rejional sira iha rai laran. mya

Add to Comments Here!!!!

error: Content is protected.
Secured By miniOrange
You might also like:
Ema nain 4 mate iha lixu fatin Tibar

Komunidade na’in hat (4) husi Suku...

Semana oin, PN halo votus konfirmasaun LFP-LAP

Prezidente Parlamentu Nasionál (PPN), Arão Noe...

KM aprova proposta OJE 2020 billaun USD 1.950 • Millaun USD 459 ba kapitál dezenvolvimentu

Konsellu Ministru (KM) aprova proposta Orsamentu...

Close