JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DNMG alerta ba komunidade atu toma atensaun ba risku temporal udan-anin

DNMG alerta ba komunidade atu toma atensaun ba risku temporal udan-anin

Direção Nacional Meteorologia e Geofísica (DNMG) alerta ba komunidade sira atu toma atensaun ba rísku temporál ajitasaun violentu husi anin, akompaña ho udan ka tempestade, tanba eventual ida ne’e, sei hamosu udan akompaña ho anin ho intensidade ne´ebé vária husi moderadu to’o forte.

Tuir previzaun tempu husi DNMG ne’ebé fó sai iha semana ne’e nia-laran katak, iha loron 4 to’o loron 6, fulan Janeiru, tinan ne’e, sei mosu udan akompaña ho anin intensidade ne’ebé vária husi moderadu to´o forte.

Tanba ne’e, DNMG alerta máxima ba komunidade ne´ebé mak hela iha rejiaun kosta norte hanesan munisípiu Díli, Manatuto, Liquiça, Baucau no Lautem.

Kapital Díli iha tendénsia atu akontese udan ho intensidade moderadu to’o forte akompaña ho anin, ho nia velosidade ne’ebé vária entre 12-18 kilómetru kada oras ho ninia razadas ne´ebé bele sustenta entre kilómetru 35 to’o 45 kada oras.

Munisípiu Manatuto iha probabilidade atu akontese udan ho intensidade moderadu to’o forte akompaña ho anin, ho ninia velosidade ne’ebé vária entre 10-18 kilómteru kada oras, ho nia razadas husi kilómetru 30 to’o 50 kada oras.

Munisípiu Liquiça iha tendénsia atu akontese udan ho intensidade moderadu to’o forte akompaña ho anin, ho nia velosidade ne´ebé vária entre 9-13 kilómetru kada oras, ho nia razadas ne’ebé bele sustenta kilómetru 25 to´o 35 kada oras.

Munisípiu Baucau iha probabilidade atu akontese udan ho intensidade moderadu to’o forte akompaña ho anin, ho nia velosidade ne’ebé vária entre kilómetru 14-19 kada oras, ho ninia razadas husi kilómetru 35 to’o 50 kada oras.

Inklui munisípiu Lautem iha tendénsia atu akontese udan ho intensidade moderadu to’o forte akompaña ho anin, ho ninia velosidade ne’ebé vária   entre kilómetru 15-25 kada oras, ho ninia razadas ne´ebé bele sustenta kilómetru 30 to´o 60 kada oras.

Lee hotu :   Juventude Covalima refleta masakre Setembru negro

Entretantu ba rejiaun sira iha parte sentral no sul husi Timor-Leste, iha tendénsia atu hetan udan ho intensidade variável ho anin ne’ebé velosidade menus husi kilómteru 10 kada oras.

Eventual ida ne’e iha probabilidade atu akontese, tanba influensia husi pozisionamentu sistema baixa presaun rua, hanesan iha Banda Sea rejiaun leste husi illa Timor no iha Oseanu Índiku, hodi influensia monsaun Ázia-Austrália.

Tinan-tinan bainhira tempu udan, Díli sempre mosu inundasaun kauza husi kapital ne’ebé dezorganizadu, populasaun halo uma tuir sira-nia hakarak, taka hotu bee-nia dalan, soe foer arbiru, konstrusaun valeta ne’ebé ki’ik susar atu akumula bee no laiha manutensaun ba drainajen sira.

Hanesan akontese iha fulan Dezembru, tinan 2019 ne’e udan boot oras rua deit lori sofrimentu boot ba uma-kain 50 iha aldeia Ramelau no aldeia Lauloro, suku Manleuana-Díli, tanba udan-been sobu drainajen no tama komunidade hirak ne’e ninia uma. Inundasaun ne’e la’os sobu deit uma, maibé lori mós komunidade nia sasan sira no animal.

Antes ne’e, Prezidente Instituto Petróleo Geologia (IPG), Helio Casimiro Guterres, hateten, posibilidade iha fulan ikus Janeiru ne’e sei akontese udan boot.

Tuir estatístika análiza husi IPG publika katak, iha fulan ikus fulan Janeiru, tinan ne’e, sei akontese udan no bee sa’e maka’as iha área Kampung Baru, Balide, Fatumeta, Bairo Pite no Tasi Tolu, tanba impaktu husi planeamentu konstrusaun uma la tuir dalan.

Atu buka alternativu ba asuntu inundasaun iha kapital Díli, Hélio husu ba governu atu implementa planu urbanizasaun ida ne’ebé di’ak, atu nune’e tempu udan labele sai ameasa ba komunidade.

Tanba problema inundasaun ne’ebé bai-bain akontese iha kapital Díli, tanba falla husi planu urbanizasaun, númeru populasaun amenta no mós halo konstrusaun uma arbiru deit. ety

Add to Comments Here!!!!

error: Content is protected.
Secured By miniOrange
You might also like:
Mosu inundasaun iha Díli, FRETILIN: Governu falla halo planeamentu ba drainajen

Reprezentante povu iha uma fukun Parlamentu...

Uma 6 hetan estragus iha Aldeia Laulora, Governu seidauk fó ajudu umanitária ba vítima

Udan no anin boot ne’ebé akontese...

MESSK sei asegura kualidade iha Ensinu Superior sira

Governu Konstitusionál da-ualu liu husi Ministru...

Close