JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL hapara atividade negosiante ambulante

PNTL hapara atividade negosiante ambulante

Polísia Nasionál Timor-Leste (PNTL) hapara atividade negosiante ambulante sira  ne’ebé mak fa’an  nú no manu iha estrada ninin.

Maske governu, bandu ona negosiante  ambulante sira labele fa’an iha estrada ninin sira iha kapitál Díli, maibé  vendedór  kontinua fa’an  nú  no manu loriku iha estrada ninin.

Tanba  ne’e,  Komando PNTL munisípiu Díli, koordena ho autoridade munisipál Díli.   No iha Domingu ne’e PNTL halo operasaun hodi hapara vendedór ambulante sira ninia atividade negósiu, iha estrada ninin merkadu Comoro, no iha área praia dos coqueiros, Díli, negosiante sira fa’an nú-láloir.

Enkuantu ne’e, Polísia hapara negosiante balun fa’an manu loriku  iha área Palásiu Governu  no Páteo ninian.

 Hafoin haruka tula negosiante sira ba kareta Polísia lori ba hatun iha merkadu Taibessi, hodi sira kontinua sira ninia atividade negosiu.

Enkuantu vendedór  ne’ebé mak fan nú iha área praia dos coqueiros Díli, Polísia haruka hapara sira ninia atividade negosiu iha estrada ninin, tanba fó imajen ladiak ba ijiene públika.

Segundu Komandante PNTL munisípiu Díli Superintendente Euclides Belo husu ba vendedór ambulante sira atu kumpri dekretu lei númeru 33/20/2018, ijiene públika, wainhira mak la kumpri sei aplika sansaun administrativu.

“Klaru katak,  iha loron rua liu ba Prezidente Autoridade munisípiu no komandante munisípiu no ha’u  inklui dirésaun relevante halo desiminasaun sensivilizasaun hodi konsensializa  ita nia komunidade sira  fatin merkadu Taibessi no Manleuana atu bele hala’o prosesu transasaun fan no sosa iha fatin ne’ebá. Tanba  ne’e mak PNTL munisípiu Díli ajuda autoridade munisípiu Díli  para nune’e normaliza ita nia maluk sira ne’ebé mak kontra dekretu lei númeru 33/20/2018, kona-ba ijieni públika, ohin komandante Forsa Rezerva, komandante orienta para depois identifika ita nia maluk sira ne’ebé  mak fa’an ikan  no nú láloir iha área praia dos coqueiros nian kanaliza hotu ba merkadu”,esplika Segundu Komandante PNTL munisípiu Díli Superintendente Euclides Belo, ba GMN Domingu (19/04/20), iha kuartel PNTL Caicoli-Dili.

Lee hotu :   PNTL kaptura eis membru arte marsiál na’in 3

Alénde ne’e Euclides Belo, husu ba negosiante fan ikan sira atu fan iha fatin Metiaut, atu nune’e hafasil kontrola husi  jestaun merkadu no Polísia.

“Ami husu ba vendedór fan ikan sira atu fan ikan sira iha Metiaut, para nune’e ita bele kontrola atu nune’e ema sira atu sosa mós bele ba los iha fatin ida, labele fan iha luron aribiru de’it depois ita la kontola ijiene ordem  públika”,dehan Euclides Belo.

Iha parte seluk iha atividade operasaun PNTL nian ne’e, hapara motorizada ida sira ne’ebé mak viola regra tránzitu iha Lecidere.avi

Add to Comments Here!!!!

error: Content is protected.
Secured By miniOrange
You might also like:
Kompañia Haksolok oferese mákina body disinfectant COVID-19 ba SIJK

Kompañia Haksolok Unipesoal Limitada, oferese mákina...

Xefe Suku Fatuhada rejeita kobra komunidade trata fisha família

Xefe Suku Fatuhada, rezeita konaba informasaun...

Governu kontrata Airnorth asegura konfirmasaun amostra COVID-19 iha Austrália

Ministru Estadu Koordenadór Assuntu Ekonómiko, Fidelis...

Close