JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FONGTIL: Implementasaun EE fó impaktu ba vida traballadór doméstika

FONGTIL: Implementasaun EE fó impaktu ba vida traballadór doméstika

Konsellu Forum Organizasaun Naun Governamentál Timor-Leste (FONGTIL) Elisabeth Lino de Araújo hatete, durante implementasaun Estadu Emerjénsia (EE) relasiona ho COVID-19 fó impaktu ba vida traballdór domestika.

Konsellu Forum Organizasaun Naun Governamentál Timor-Leste (FONGTIL) nia deklarasaun ne’e bazeia mos ba relatóriu hosi Sentru Informasaun Impaktu COVID-19 (SII) katak, implementasaun Estadu Emerjénsia (EE) relasiona ho COVID-19, fó impaktu ba vida traballdór domestika.

“Dadus ne’ebé ami hetan hosi traballadór sira, no balun traballadór sira ba dereita hodi hato’o sira problema, relasiona ho sira nia servisu durante EE ne’ebé balun empregad’or hapara no balun la hetan salariu tanba iha uma deit, entaun ida ne’e ami konsidera implementasaun EE ne’e fó impaktu ba vida traballdór domestika, dehan Konselhu FONGTIL, Elisabeth Lino de Araujo, ba Jornalista sira, Tersa (05/05/2020) iha salaun SII Kaikoli.

Konsellu FONGTIL haktuir, Working Women Center Timor-Leste (WWSTL) hanesan membru FONGTIL, durante ne’e regista ona taballadór domestika hamutuk 218, entaun durante EE fó impaktu tebes ba taballadór domestika tanba hosi númeru 218, ne’ebé mai hosi fatin servisu oi-oin ,iha traballadór 78 mak empregadór labele selu tanba laiha rendimentu.

 “Iha kategoria rua, ida traballadór sira hela ho empregadór no ida fali mak traballadór sira hela iha uma mak lao mai servisu durante implementasaun EE, entaun traballadór sira ne’ebé hela iha uma iha traballdór nain 2 mak empregadór bolu ba servisu fali, no iha traballadór ne’ebé servisu temporariu hafoin Prezidente Repúblika (PR) Francisco Guteres Lu Olo, dekreta EE iha traballadór 56 mak la hetan salariu, tanba empregadór haruka iha uma deit”. Afirma Elisabeth Lino de Araujo.

Lee hotu :   PR dekreta EE ba loron 30, Husu Governu kontrola pontu entrada

Nia afirma, lei laborál rasik seidauk iha lei espesifiku ba traballadór domestika, tanba tuir WWSTL traballadór domestika iha mós profisaun hanesan traballadór sira seluk, entaun ita presiza lei espesifiku ida hodi fó protesaun ba traballadór domestika sira.

 “Ita haree ba traballadór ne’ebé hela ho empregadór iha traballadór nain 15, no ida ne’ebé hosi Munisipiu mai servisu fala-fali iha nain 1, tanba hetan fali kontaktu hosi empregadór hodi kontinua servisu, tanba ne’e ami hanesan sosiedade sivil propoin atu ba governu kria lei tuir prinisipiu igualidade”.

Tanba traballadór doméstika hanesan mós traballadór, embora sira halo servisu iha uma laran hanesan domestiku no empregadór nu’udar individu ka familia ida sira nia tarefa tenke konsidera no hetan  nu’udar profisaun ida.

Traballadór 37 husi Supermerkadu tenke lakon servisu

Nune’e mos, traballadór hamutuk 37 kompostu hosi mane 30 no feto 7, ne’ebé durante ne’e servisu iha Kompañia Kmanek Supermerkadu, tenke lakon sira-nia servisu tanba kompañia deside hapara sira-nia kontratu durante implementasaun Estadu Emerjénsia (EE), ho razaun kompañia laiha osan atu selu sira.

 “Iha implementasaun EE, ami nia empregadór hapara ami hamutuk 37 iha loron 9 fulan Abril ne’e, ho razaun kompañia laiha ona osan atu selu ami traballadór sira, no hapara mós la ho bensimentu”, dehan traballadóra, Juvita de Jesus Almeida, ba Jornalista sira Tersa (05/05/2020) iha  Kaikoli Díli.

Juvita de Jesus Almeida haktuir, hanesan traballadór sira ne’ebé sai vítima iha implementasaun EE, husu ba Estadu atu halo kontrolu ba kompañia sira hotu, ne’ebé hapara nia traballadór sira iha situasaun EE , nune’e labele fó impaktu ba ekonomia família ema ida-idak nian.

Lee hotu :   Asegura selebrasaun loron finadu, PM Taur husu joven sira tenki kontribui ba estabilidade

 “Ami traballadór, ami kontribui ona ba seguransa sosial besik tinan 3 ona, agora oinsa ho ami nia osan seguransa sosial nian tanba nain kompañia hapara ona ami hosi servisu sem vensimentu, entaun bele ka lae governu fó  fali ami osan seguransa sosial ne’ebé ami kontribui kada fulan, nune’e ami bele uza ba nessesidade lor-loron, tanba ami lakon ona ami nia servisu”.

Juvita de Jesus, sente dalan klo’ot bainhira lakon servisu iha EE, tanba hanesan bin bo’ot iha uma laran iha responsabilidade bo’ot ba família, ne’ebé durante servisu hodi  haree família inklui fó alin sira ba eskola.

Nune’e mós, Paulo da Costa, subliña iha loron 15 fulan Janeiru tinan 2020, nain ba Loja Kmanek Supermerkadu halo enkontru ho traballadór sira hodi deside atu taka kompañia tanba laiha rendimentu atu selu traballadór sira.

 “Dalan ne’ebé kompañia foti mak hapara traballadór etapa ba etapa, no ami iha etapa datoluk. Tuir ami hatene, bainhira kompañia hapara nia traballadór mak kompañia sei fó  PHK ba traballadó, ne’ebé servisu tinan 5 ou balun to’o 10 selu  tuir salariu durante fulan 5 iha tinan ida nia laran, maibé ida la akontese”.

Paulo da Costa, realsa kontratu ne’ebé sira asina ho kompañia indeterminadu signifika permenente, maibé iha implementasaun EE kompañia deside hapara ami la ho razaun forte inklui la fó ami nia direitu tuir tinan ne’ebé ami servisu.

Vise Prezidente Konfederasaun Sindikatu Timor-Leste (KSTL), Francisco da Costa Fernandes, hatete, KSTL seidauk simu informasaun direta hosi traballadór sira, relasiona ho kompañia hapara sira-nia servisu iha períodu Estadu Emerjénsia.

 “Ami sei tenta buka halo aproximasaun ho dirijente Kmanek Supermerkadu hodi haree-tok asuntu refere, tanba iha periodu EE relasiona ho covid-19, ita nia governu hatete laiha kompañia ida mak sei hapara nia traballadór durante EE, maibé kompañia bele iha direitu atu fahe shift ba traballadór sira, nune’e traballadór hotu bele hetan direitu”.dehan nia.

Lee hotu :   Dom Norberto: Líder ParPol presiza rezolve impase polítiku

Tanba iha períodu EE ne’e, iha kompañia barak mak uza sira-nia kompetensia hodi hapara traballadór sira tuir hakarak, entaun hosi parte KSTL espera atu kompañia sira labele viola traballadór sira-nia direitu durante implementasaun Estadu Emerjénsia.

Hatán ba preokupasaun traballadór sira nian, Xefe Rekursu Umanu, Kmanek Supermerkadu, António dos Santos, rekoñese kompañia hapara traballadór la’os foin akontese iha períodu EE, maibé antes ne’e kompañia hapara ona traballadór lobuk ida, ho razaun kompañia laiha ona osan.

“Los katak, ami hapara duni traballdór sira la’os iha EE, maibé ida ne’e hapara etapa ba datoluk, tanba kompañia laiha ona osan atu selu traballadór sira no antes ne’e kompañia mós planeia atu hapara hotu traballadór sira tuir etapa ho razaun rendimentu kompañia nian menus, nune’e difisil atu selu traballadór sira”.

António dos Santos,  realsa, razaun kompañia hapara traballdór la’os tanba aproveita EE, maibé ida ne’e                  planeia ona hosi kompañia, entaun hakarak ka lakohi kompañia tenke realiza hodi hapara traballadór sira, tanba se traballadór sira kontinua servisu maibé laiha vensimentu mós susar.Fel

Add to Comments Here!!!!

error: Content is protected.
Secured By miniOrange
You might also like:
Governu aprova subsídiu ba ekipa liña frente USD 25.00

Governu liu husi Konsellu Ministru (KM)...

Kona-ba destituisaun meja PN, Jurista Avelino: PPN Arão bele haree tuir medelu husi eis PPN Aniceto

Jurista senior Avelino Coelho, hatete, Prezidente...

Faustino Cardoso disponível asume kargu Ministru Administrasaun Estatal

Prezidente Komissaun Funsaun Públika, Faustino Cardoso,...

Close