JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MSSI seidauk iha data fiksu ba pagamentu subsídiu USD 100.00

MSSI seidauk iha data fiksu ba pagamentu subsídiu USD 100.00

Direitór Jeral Solidaridade Sosial no Inkluzaun, Rui Manuel Exposto, hatete Ministériu Solidariedade Sosial no Inkluzaun (MSSI), seidauk iha loron fiksu ba pagamentu subsídiu USD100.00 ba kada familia, tanba sei hadia dadus balun no buka osan atu aumenta ba subsídiu halo 200 dolar.

“Loron fiksu ami sei públika ofisialmente, maibé la’os agora tanba mai sei halo diskusaun balun liga ho asuntu tekniku sira hanesan, haree fali dadus no sei buka atu aumenta ba subsídiu halo  dolar 200,” dehan DJ MSSI, Rui Manuel Exposto, ba Jornalista sira Kinta(28/05/2020) iha Ministériu Finansas Aitarak-Laran Díli.

DJ MSSI haktuir, parte tekniku sei halo hela diskusaun hodi tenta atu aselera lalais prosesu, maibé kuandu seidauk klaru ami labele fó loron fiksu ba pagamentu.

“Hau hatete tan dala ida, prosesu atu hetan dadus ida diak no tenke hare dadus ida ne’ebé lejivel no la elijivel, inklui sei buka osan atu aumenta tan ba subsídiu halo 200 dolar, ne’ebé antes ne’e dehan 100 dolar maibé agora ba 200 dolar, entaun presiza osan atu aumenta tan,” afirma Rui Manuel Exposto.

Maibé governu promete katak, sei selu subsídiu ba kada uma kain ho 200 dolar ba familia sira, ne’ebé mak elejivel atu simu.

“Laos lei mak implika tanba dekretu lei no despaisu Ministérial iha ona, maibé hosi parte tekniku sira presiza hare hodi ajusta preparasaun, nune’e labele viola dekretu lei númeru 2/2020 6 de Abril inklui despaisu Ministérial, tanba selae aban-bainrua ami mak sei ba hatan rame-rame, entaun prosesu sei lao nune’e bainhira implementa karik bele ho seguru” Nia subliña.

Diretór ne’e mós husu deskulpa, tanba labele hatete loron ida ne’ebé fisku konaba, pagamentu tanba se lae halo públiku kunfuzaun.Dadus agora ami elabora hotu ona no iha ela prosesu maibé tanba ita iha hela situasaun ida covid-19, ita presiza halo preparasaun ida mais diak hodi kria distansia sosial no seluk tan.

Lee hotu :   Servisu abastesimentu bee moos falta kombustivel

Nune’e mós, Diretór Jeral Planeamentu Orsamentu Ministériu Finansas, Januario da Gama, hatete Finansas simu ona pedidu ho proposta pagamentu ho dadus hosi MSSI iha loron 26 de Maio, no iha loron ne’e kedas parte tekniku Finansas halo kedas enkontru ho MSSI hodi aserta dadus fiksu ona ou lae, nune’e bele halo prosesu pagamentu.

“Komfirmasaun ne’ebé ami halo ho MSSI, dadus ne’ebé aprezenta ho total uma kain 326.739 mil ho nia orsamentu ba fulan rua nian hamutuk 65 milloens 347 mil 800 dolares, hosi ne’e MSSI mós aprezenta kustu operasional liu-liu ekipa tekniku sira, ne’ebé atu halo pagamentu iha territoriu Timor laran”hatutan DJ POMF.

Nia realsa, hosi kustu operasionál ne’ebé MSSI aprezenta hamutuk 1 milliaun 294 mil 240 dolares, no total orsamentu ne’e hetan apoiu hosi Internasionál Labour Organization (ILO) ho montante 748 mil, alende ne’e, nessesita mós kustu operasionál balun hosi governu nian.

“Ohin ami halo tan enkontru ho ekipa hosi MSSI, hodi halo komfirmasaun ba kustu operasionais sira, nune’e Finansas bele halo alterasaun nessesariu hodi bele responde iha tempu ne’ebé imediata”.Fel

Add to Comments Here!!!!

error: Content is protected.
Secured By miniOrange
You might also like:
PM Taur rekoñese FP sei iha problema barak

Primeiru Ministru (PM),Taur Matan Ruak, rekoñese...

PR dekreta EE ba loron 30, Husu Governu kontrola pontu entrada

Prezidente Repúblika (PR), Francisco Guteres Lú...

Dadus COVID-19 iha TL, 28 Maiu 2020

Close