JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana sei buka tuir saudozu Nicolau Lobato nia ruin

Xanana sei buka tuir saudozu Nicolau Lobato nia ruin

Líder karismátiku Kay Rala Xanana Gusmão promete sei buka tuir ruin husi Saudozu Nicolau Lobato ne’ebé lakon durante tempu funu laran, tanba konsidera Xanana Gusmão mak hatutan Nicolau nia ain fatin, hodi luta hasoru inimigu.

“Ha’u dehan tiha ona ba sira boboot (Indonézia-red) nia’an balun, karik imi soe de’it iha ne’ebé naran ami hatene, lalika halo buat boot ida, tanba la’ós imi nia eroi, maibé ne’e traidór ba imi, ha’u dehan katak la buat ida, ita prepara serimonia ba ida imi lori mai entrega ba ami ne’e mak importante ba nasaun rua ne’e, ne’ebé sira balu-balun komprende. Ha’u promete sei buka tuir no loron hirak mia ne’e ha’u sei buka fali”, líder karismátiku ne’e iha ninia vizita ba Saudozu Nicolau Lobato nia moris fatin iha Sasatan Oan, Soibada, munisípiu Manatutu, Sábadu semana ne’e.

Entretantu família husi saudozu Nicolau Lobato enkoraza líder karismátiku ne’e atu buka tuir nafatin ruin husi saudozu Nicolau dos Reis Lobato, tanba nia mate hodi defende povu Timor-Leste tomak durante invazaun Indonézia.

Ami hakarak husu ba ita boot, tanba foin primeira vez tama mai iha ne’e, liu-liu ba saudozu nia paradeiru iha ne’ebé, ruin ne’e iha tasi laran ka, iha rai maran ka iha Indonézia, favor ida, tanba ita boot mak lian maka’as iha Timor, ema hotu hamtauk no hakruuk ba ita boot Kay Rala Xanana Gusmão, ne’ebé ami husu ba ita boot no Governu atu fó atensaun ba saudozu nia ruin ne’e”, Família husi saudozu, José Andrade Lobato.

Saudozu Nicola dos Reis Lobato moris iha loron 24, fulan Maiu, tinan 1946, iha Sasatan Oan, Ai Tara-Hun, Soibada, munisípiu Manatuto no Nicolau Lobato mate iha kombate nia laran iha loron 31, fulan Dezembru, tinan 1978, iha Vale Mindelo, Turiscai, munisípiu Manufahi.

Lee hotu :   PNTL kaptura joven nain rua lori rama ambon ■Povu kontinua la hakmatek

 José Lobato husu deskulpa ba Xanana Gusmão

Oan husi saudozu Nicolau Lobato, José Lobato, husu deskulpa ba Xanana Gusmão relasiona ho krítika ne’ebé nia lansa iha momentu inaugurasaun estatua Nicolau Lobato ni’an iha Comoro-Díli.

Ha’u komprende ita boot sátia no hirus ha’u, momentu inaugurasaun estatua ba ha’u nia aman, iha ha’u nia diskursu ha’u hato’o pensamentu balun, ha’u tenke dehan pensamentu ou preokupasaun ida ne’ebé ha’u hanoin pertinente impomentu ne’ebá, ohin loron I dalaruma ba abanbainrua, maibé ha’u mós rekoÑese biban no fatin mak sala, tanba ansi atu hato’o hanoin ida ne’e ha’u laiha sensibilidade ba esforsu tomak ne’ebé ita boot halo atu harii estatua Nicolau Lobato”, Oan husi saudozu Nicolau Lobato iha Kay Rala Xanana Gusmão nia vizita ba Saudozu Nicolau Lobato nia moris fatin iha Sasatan Oan, Soibada, munisípiu Manatutu, Sábadu semana ne’e.

Oan mane mesak husi Nicolau Lobato ne’e, hateten, nia parte agradese ba vizita importante Xanana Gusmão ni’an, tanba líder karismátiku ne’e mak nu’udár líder kontinuadór ba libertasaun pátria Timor-Leste, hafoin ninia aman Nicolau Lobato mate.

Maibé José Lobato mós sente triste, tanba dalabarak líder nasionál ne’e mós la konsidera Nicolau nia luta durante tinan tolu ho balun.

Entretantu eis Prezidente Repúblika, Kay Rala Xanana Gusmão, hateten, Nicolau Lobato hanesan líder ne’ebé sempre foti desizaun ne’ebé koletivu ba membru CCF iha momentu ne’ebá.

Tanba ne’e, Xanana konsidera, Nicolau Lobato mak matadalan di’ak ba líder hotu no Nicolau mak hahú funu ba libertasaun total.

Iha vizita ne’e, Kay Rala Xanana Gusmão mós hala’o asaun karidade ba komunidade kbi’it la’ek ne’ebé identifikadu iha suku Manlala, postu administrativu Soibada, munisípiu Manatuto.

Lee hotu :   Xanana vizita veterana Jacinta de Jesus nia rate

Alénde ne’e, Xanana mós partisipa misa Domingu iha primeira semana fulan Jullu ni’an, iha igreja Soibada. Hafoin remata misa líder nasionál ne’e kontinua fali ninia vizita ba santuáriu Nossa Senhora Aitara, iha Manlala. san

Add to Comments Here!!!!

error: Content is protected.
Secured By miniOrange
You might also like:
Problema ekonomia implika kompañia 20 taka permanente

Kompañia 20 hato’o ona pedidu hodi...

Durante EE, Númeru operasaun kada fulan iha HNGV tun ba 100

Xefe Departementu Bloku Operatóriu no Anestesia...

Padre Graciano: Sarani sira elimina hahalok destroi sosiedade-nasaun

Paróku igreja Balide, Graciano Santos Barros,...

Close