JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema deskoñesidu sona estudante UNPAZ ida

Ema deskoñesidu sona estudante UNPAZ ida

Ema deskoñesidu sona  estudante Alfredo Miranda Alves, iha resintu Universidade da Paz (UNPAZ). Kazu ne’e akontese iha Segunda (03/08/20) mais ou menus tuku 11:00 meudia oras Timor-Leste.

Vítima hetan sona husi ema deskoñesidu ho tudik iha loos kabás (kotuk laran-red), hodi rezulta kuak rua.

Wainhira akontese kazu tentativa omísidiu ne’e, vítima nia kolega sira transporta vítima Alfredo Miranda Alves ho motorizada ida ba Hospital Nasionál Guido Valadares, hodi hala’o tratamentu ba vítima nia kanek.

Husi akontesimentu ne’e, Polísia Nasionál Timor-Leste (PNTL) Eskuadra Comoro no servisu Informasaun Polísia to’o iha fatin akontesimentu hodi husu autorizazaun ba Reitor UNPAZ, Adolmando Amaral, atu husu estudante ne’ebé mak sai sasin ba iha akontesimentu refere.

Iha biban ne’e, kedas Polísia servisu informasaun lori sasin hodi fó informasaun iha Eskuadra Comoro.

Vítima  Alfredo Miranda  Alves, husu ba Polísia no estudante sira atu apoiu no fó informasaun ba nia hodi reforsa prosesu investigasaun.

“Ha’u ba tuir tiha aula iha sala laran, depois sai husi sala laran atu ba sa’e motor fila ba uma, depois ema sona husi kotuk, depois ema ne’e hala’i ha’u lori fatuk tuda, maibé la kona no ema ne’e halai liu ho motor. Ha’u husu ba maun-alin sira iha Kampuz UNPAZ karik sé mak hatene informa ba iha kantor Polísia, atu nune’e ema ne’ebé mak sona ha’u ne’e bele kaer la-lais”, esplika vítima Alfredo Miranda Alves ba jornalista sira, Segunda (03/08//20), iha bairu BTN 1, Tasi Tolu, Díli.

Alende ne’e, Reitor UNPAZ, Adolmando  Amaral, entrega kazu refere ba Polísia, hodi loke prosesu investigasaun.

Adolmando promete, sé wainhira estudante mak komete iha kazu krime ne’e, nia parte sei foti medida.

Lee hotu :   TL sai husi Estadu frájil indika pontu importante tolu

“Universidade la’os hanorin estudante mai kampus atu lori sasan kro’at, akontesimentu  ida ohin ne’e, Polísia sira foti ona dadus husi sasin sira, ita hein nia rezulta, estudante ho estudante ka ou ema liur mai sona estudante, ita la hatene”, dehan Adolmando Amaral.

Vítima refere husi fakuldade Saúde Públika. Vítima alta ona  husi Hospital Nasionál Guido Valadares no fila ona ba nia rezidénsia iha bairu BTN 1, aldeia 12 de Outubro, suku Comoro, postu administrátivu Dom Aleixo. avi

Add to Comments Here!!!!

error: Content is protected.
Secured By miniOrange
You might also like:
Governu deside husu ba PR deklara tan EE foun

Sorumutu Konsellu Ministru Extraórdinária Segunda (03-08),...

PN aprova Lei Kódigu Mineiru ho unanimidade

Parlamentu Nasional (PN), aprova Lei Kódigu...

Komisaun D husu implementa loloos programa povu kuda Governu sosa

Komisaun D Parlamentu Nasional (PN), ne’ebé...

Close