JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana-Horta simu matak malirin husi Uma Lisan Mauleik Tutuluro

Xanana-Horta simu matak malirin husi Uma Lisan Mauleik Tutuluro

Sorumutu líder nasionál, Kay Rala Xanana Gusmão no José Ramos Horta hamutuk ho komunidade Suku Tutuluro, Postu Administrativu Same, Munisípiu Manufahi, la hanesan ho sorumutu baibain, tanba bainhira to’o iha suku refere, Xanana ho Horta simu matak malirin husi lia nain sira iha Uma Lisan Mauleik.

Alende ne’e, ba líder nasionál nain rua ne’e mós lia nain sira konta istória no aprezenta sasán lulik iha uma lisan refere.

Romeo Gonçalves, nu’udar lia nain Uma Lisan Mauleik, hatete, sasán lulik hirak ne’e tenke aprezenta duni ba líder rezisténsia nain rua ne’e, liu-liu ida hanesan komanda forsa armada FALINTIL iha iha ai-laran no ida seluk komanda iha frente diplomátika iha rai-liur, nune’e Xanana ho Horta hanesan aman ba nasaun ida ne’e.

“Futar lulik ne’ebé iha, ami la helik la taka, ami hatada ba ita bo’ot sira, tanba ami nia aman bo’ot mos mak ne’e, ami nia maun bo’ot mos mak ne’e. Kokorek iha Timor durante 24 anos, maun bo’ot Kay Rala Xanana Gusmão, nia kokorek iha ai-laran, hodi liberta rai ne’e, ita bo’ot (Ramos Horta) kokorek iha nasaun ba nasaun hodi hetan vitória iha 1999”, dehan Lia Nain Uma Lisan Mauleik, Romeo Gonçalves, iha nia aidadolin ba líder nasionalista nain rua ne’e bainhira mama hela malus uma lulik nian iha semana kotuk, fulan ne’e.

Iha Suku Tutuluro, Xanana Ho Horta vizita mós fatin ne’ebé uluk saudozu proklamador independensia RDTL 1975, Francisco Xavier do Amaral, hetan kapturasaun.

Entretantu xanana ho horta mós kontinua distribui nesesidade bázika ba maluk kbiit laek sira inklui ema ho defisiénsia iha suku refere. GMN

Lee hotu :   Juventude lakohi sai instrumentu polítika

Add to Comments Here!!!!

error: Content is protected.
Secured By miniOrange
You might also like:
Relatóriu MPI hatudu TL ki’ak númeru 1 iha Ázia

Relatóriu Índice de Pobreza Multidimensionál (MPI),...

CNRT husu Timor GAP klarifika reestrurasaun tendénsia partidária

Bankada CNRT husu klarifikasaun husi Prezidente Timor Gas...

OPTT husu Governu-Igreja organiza povu halo toos ho natar

Organizasaun Popular Traballadór Timor (OPTT), husu...

Close