JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana rekoñese Renan Selac nia luta ba TL

Xanana rekoñese Renan Selac nia luta ba TL

Eis Komandante Em Xefe FALINTIL, Kay Rala Xanana Gusmão, rekoñese saudozu Faustino dos Santos ho kódigu Renan Selac (Render Nunca A Não Ser Leva A Cabeça),  nia luta ba nasaun Timor-Leste (TL).

“Renan selac la’o hamutuk ona ho eroi no martir sira ne’ebé fó isin no laran tomak hodi funu atu ita hetan ukun rasik an ne’e duni. Renan Selac kontribui mós Timor-Leste nia istória ba libertasaun ni’an, ha’u hatene família no amigu sira triste, maibe ha’u husu ba maluk hotu atu sente orgullu bo’ot tanba Renan Selac ita nia eroi libertasaun ida Renan husik ona ami, ami husu nafatin ba Maromak atu fó fatin ne’ebé merese iha nia kadunan santa adeus irmaun ba erois no martires sira hotu”, Líder Nasionál Xanana Gusmão hato’o lia hirak ne’e, liu husi nia mensajen dala ikus ne’ebé katak sai husi Veteranu Rezisténsia Rejiaun I, Eurico Rosário dos Santos ho naran kódigu “Ikunzunik” iha Lospalos, Tersa (15/09/2020).

Maske Renan Selac ba ona mundu seluk, maibé Xanana nafatin husu nia atu tau matan ba eroi sira seluk ne’ebé mak sei moris, nune’e bele liberta povu no nasaun tuir dalan saudozu ni’an.

Tuir Xanana Gusmão, durante halo funu tinan 24 iha ai-laran, maibé ohin loron sente triste, tanba lakon oan eroi ne’ebé ho fuan bo’ot hodi luta hasoru inimigu to’o Timor-Leste hetan nia autodeterminasaun.

Saudozu nia mate marka tan istória ida ba Timor-Leste liu-liu ba jerasaun foun atu banati tuir saudozu nia ain-fatin iha nasaun doben Timor-Leste, tanba durante nia moris iha sakrifísiu bo’ot ba povu no nasaun Timor-Leste.

Lee hotu :   DPC realiza espozisaun fotografia apoia veterana Kasian

Saudozu Faustino dos Santos ho naran kódigu Renan Selac, ne’ebé hakerek ho ran katak, Render Nunca a Não Ser Leva a Cabeca, hakotu nia peregrinasaun iha  mundu, iha kinta loron 10 fulan ne’e, iha Hospital Nacional Guido Valadares (HNGV), tanba sofre moras komplikasaun. Saudozu Renan Selac mate, husik hela nia fen kaben Arminda Gonçalves ho oan na’in 4.

Entretantu saudozu Faustino dos Santos ho naran kódigu Renan Selac halót ona iha Osoáriu Lospalos ka Semitériu Espesiál Jardim dos Herois Martires da Patria, munsípiu Lautem, iha Tersa (15/09). Ina

Add to Comments Here!!!!

error: Content is protected.
Secured By miniOrange
You might also like:
Estadu sei tau matan ba família Renan Selac

Estadu liu husi Governu sei tau...

F-FDTL sei sosa tan ró hodi patrulla iha Tasi Timor

Xefe Estadu Maior FALINTIL-Forsa Defeza Timor-Leste...

KM altera dekretu lei fó tan subsídiu ba estudante la’ós bolseiru iha nasaun hitu

Konsellu Ministru (KM) iha Kuarta ne’e...

Close