JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR dekreta EE ba dala 11, Kovalima kontinua lockdown no Bobonaro livre

PR dekreta EE ba dala 11, Kovalima kontinua lockdown no Bobonaro livre

Prezidente Repúblika (PR), Franscisco Guterese Lu-Olo, dekreta ona Estadu Emerejénsia (EE) ba dala 11, hodi kontinua lockdown ba Munisípiu Kovalima, maibe Munisípiu Bobonaro livre, tanba laiha transmisaun lokál Covid-19.

Antes nee Governu deside Serka Sanitária ka Lockdown ba Munisípíu rua, Bobonaro no Covalima, tanba iha previsaun governu nian katak munisípiu rua nee iha ona transmisaun lokál.

Hafoin vigora lockdown, ekipa saúde halo teste masal iha munisípiu rua nee, maibe iha Munisípiu Bobonaro amostra sira nebe eskipa saúde foti lahetan kazu positivu, maibe iha munisípiu Covalima hetan kazu positivu neen (6) ne’ebé dadaun nee kazu konfirmadu sae ona ba 10, no primeiru transmisaun local Covid-19 iha Timor Leste.

Estadu Emerjénsia ba dala 11 nee sei vigora iha Kinta (4/03) ne’e iha oras zero zero no sei remata iha loron 2 Abril, tuku 11.59 Otl.

Xefe Estadu dekreta estensaun estadu emerjensia ne’e, hafoin simu pedidu husi Parlamentu Nasional, ne’ebé aprova ho votus a favor 53, kontra zero no abstensaun 12.

Governu hato’o pedidu ne’e ba palasiu prezidensial, relasiona ho númeru pozitivu Covid-19 kontinua sa’e iha nasaun viziñu Indonézia, li-liu iha Atambua no Timor-Leste mós rejista ona transmisaun lokal ba pandemia Covid-19 nee.

Tuir informasaun nebe GMN hetan husi pasjina ofisiál Palasiu Presidensiál katak ho estensaun Estadu Emerjénsia nee, Cefe Estadu husu ba FALENTIL- Forsa Defeza Timor-Leste maka reforsa ho Polísia Nasional Timor-Leste, departamentu governamental ne’ebé responsavel saúde públika, hodi hala’o nafatin atividade ne’ebé presiza mantein iha Estadu Emerjensia dala 11.

Ho Estadu Emerjénsia ba dala 11, Konsellu Ministru deside mantein serka sanitária iha munisípiu Covalima, ba munisípiu 11 no Rejiaun Administrativa Espesial Oe-cusse – Ambeno sei la halo lockdown, maibé husu sidadaun hotu atu mantein regra prevensaun, uza maskra, fase liman bebeik ho sabaun, distansia sosial no fízika.

Lee hotu :   PM Taur hato’o sentidu kondelénsia ba família kongregasaun Saleziana

Antes nee Konsellu Ministru renova rezolusaun Governu, hodi kontinua implementa serka sanitária, iha munisipiu Covalima no hakotu ona, serka sanitária iha munisípiu Bobonaro, no sei la prolonga tan, tanba laiha ona kazu transmisaun lokal.

“KM mos ohin renova rezolusaun Governu nian ,ida ne’ebé maka atu serka sanitaria ba munisipiu Covalima  serka sanitaria iha Covalima sei kontinua to’o wanhira medida EE ou EE foun ne’e remata iha dia 2 de Abril ,maibe mos depende ba evolusaun sistuasaun sé ,wanhira komunidade iha Suai,  Covalima koopera ho diak ,ita konsege kontrola ona transmisaun lokal ne’eb’e iha ,KM bele halo lalais fali  rezolusaun ida hodi halo kotu serka sanitária iha munisipiu refere.

Ministru Prezidensia KOnsellu Ministru, Fidelis Magalhães,hatete objetivu husi renovasaun rezolusaun Governu, atu kontinua implementa serka sanitária, iha munisípiu Covalima, to’o medida Estadu Emerjénsia foun ne’e remata iha loron 2, fulan Abril, tinan ne’e.

 “Atu fasilita transportasaun ai-han no medikamentu sira ne’ebé pesoal sir abele lori ai-han husi Díli ba Suai. Depois de avalia situasaun, KM mos deside, atu halo kotu ona, serka sanitaria iha munisipiu Bobonaro nune’e sei la prolonga serka sanitaria iha Bobonaro, tamba rejultadu teste hato’o husi parte saude katak, Bobonaro la rejista kazu ida nu’udar transmisaun lokal, tamba ne’e husu atu kuidadu nafatin pontu entreda ne’ebé tama sai husi viziñu NTT nian”,dehan Fidelis Magalhães.

Maibe Governu husu nafatin, ba komunidade sira iha munisípiu 3 , tenke kontinua kuidadu-an hodi prevene COVID-19. Ina/Tos

 

Add to Comments Here!!!!

error: Content is protected.
Secured By miniOrange
You might also like:
Veteranu no GAM Liquiça sei apoia Xanana ba PR

Veteranus Grupo Artemarsiais no Arteritual Munisípiu...

PLP husu Governu aperta ema tama-sai ilegál iha fronteira

Deputada Bankada PLP, Rosalina Ximenes, husu...

CNRT: Komisaun B viola regra serka sanitária

Deputada Maria Barreto Gorumali kestiona, deputadu...

Close