GMN TV Internacional SekJer ONU kongratula VIII Governu "Prontu apoia dezenvolvimentu TL"

SekJer ONU kongratula VIII Governu "Prontu apoia dezenvolvimentu TL"

3 views

foto:google

Sekretáriu Jeral (SekJer) ONU, António Guterres, hato’o karta kongratulasaun ba VIII Governu ne’ebé lidera husi Primeiru Ministru (PM), Taur Matan Ruak.

Koordenador Rezidente ONU iha Timor Leste, Roy Trivedy, hateten, ONU prontu atu apoia dezenvolvimentu Timor Leste iha área hotu.

“Ha’u mós mai intrega karta kongratulasaun husi Sekretáriu Jeral ONU, António Guterres nian ba Primeiru Ministru, Taur Matan Ruak,  hodi hateten katak, ONU iha Timor Leste globalmente prontu atu suporta Governu Timor Leste,” katak Roy Trivedy ba jornalista sira iha Palacio Governu, Segunda (09/07), hafoin hasoru malu ho PM, Taur Matan Ruak.

Roy hatutan, enkotru ho Primeiru Ministru, Taur Matan Ruak, sira ko’alia kona ba prioridade sira ne’ebé povu Timor Leste presiza liu.

“Ami kontenti tebes tanba bele hasoru malu. Ami mai atu rona mós prioridades husi Timor Leste, nomós UN iha Timor Leste prontu atu suporta Timor Leste iha nia área prioridade sira,” katak kordenador Rezidente ONU iha Timor Leste, Roy Trivedy.

Nia hatutan, iha sorumutu Koordenador Rezidente ONU iha Timor Leste ne, inform aba Primeiru Ministru, Taur Matan Ruak, kona ba, suporta saida mak ONU halo ona iha Timor Leste.

“ONU suporta Ministériu Saúde kona ba, nomós orsida (horseik) lokraik se iha lansamentu ida iha KAK kona ba anti korupsaun nian, no ONU sei kontinua suporta Timor Leste iha área prioridade sira ne’ebé mak ohin (horseik) Primeiru Ministru ko’alia sai ona, hanesan bee no saneamentu, infra-estrutura no suvensaun ekonómia,” informa Roy Trivedy.

Nia haktuir, ONU mós kontenti atu kontinua suporta dezenvolvimentu Timor Leste, atu asegura katak, ema hotu bele hetan benefisiu husi dezenvolvimentu rai ne’e nian, labele iha ema ida atu hela iha kotuk.

“Ami kontenti tanba Primeiru Ministru mós hateten sai katak,  VIII Governu ne’e sei hatudu liu iha asaun, tanba asaun ba povu mak importante,” tenik Roy Trivedy.

Iha oportunidade ne’e mós, embaixador Japaun mai Timor Leste, no Uniaun Europeia mós hasoru malu ho Primeiru Ministru, Taur Matan Ruak, hodi manifesta sira nia kongratulasaun, nomós hametin kooperasaun bilateral ne’ebé mak hala’o tiha ona.cos


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker