GMN TV Internacional FALUR HUSU GOVERNU AJUDA JORNALISTA JILL JOLLIFFE

FALUR HUSU GOVERNU AJUDA JORNALISTA JILL JOLLIFFE

0 views

Jornalista senior investigativu husi Australia, Jill Jollifee, nudar mos belun boot Timor oan nian iha tempu luta ba libertasaun, oras ne’e, presiza tebes nia belun Timor oan hotu nia tulun, tanba nia infrenta hela moras no husu tulun belun sira hotu atu bele ajuda nia finansiamentu ba nia tratamentu saude ne’e.

Jill Jolliffe nudar jornalista senior ne’ebe servisu ba agensia notisias REUTERS ne’ebe partisipa ativu iha prosesu luta Timor nian no divulga ba media internasional sobre intimidasaun no sofrementu boot ne’ebe Timor oan sira infrenta durante okupasaun Indonesia nian . Jill Jollifee konsistente tebes hodi buka hatene no deskobre lala’ok kontra direitus humanus iha Timor Leste, inklui Masakre Balibo ne’ebe rezulta jornalista Australiano nain 5 mate ne’ebe koñesidu hanesan masakre Balibo Five. Wainhira Jill Jolliffe servisu ba REUTERS nudar jornalista, nia asiste primeiru invazaun Indonesia nian mai Timor Leste iha 7 Setembru 1975.  Hamutuk ho nia belun Michael Richardson husi The Age no Roger East (ne’ebe mate mos iha masakre Balibo), halo reportazen eskluzivu kona-ba masakre Balibo Five  ne’ebe rezulta belun jornalista nain 5 husi Australia mate iha fulan Outubru 1975. Momentu neba Jill Jolliffe hamutuk ho nia belun Ricardson, evakua lalais kedas husi Dili ba Darwin ho tulun Cruz Vermelha Internasional, antes loron 4 invazaun Indonesia nian mai Timor Leste, no triste tebes nia belun Roger East, mate mos iha masakre Balibo Five tanba deside lakohi evakua ba Australia hamutuk ho Jill Joliffe. Iha tinan 1978, Jill Joliffe muda ba Portugal hodi kontinua hatutan Timor nia sofrementu ba mundu nudar jornalista korespondente ba The Guardian, The Sunday Times, The Age, Sydney Morning Herald ho mos BBC. Durante ne’e, Jill Jolliffe mos hakerek livru lubuk ida kona-ba luta rezistensia Timor nian no livru sira ne’e kontribui mos hanesan ‘heransa’ murak ba historia Timor nian. Tempu balun Jill Jollife  mai haksumik iha Darwin no ransu ho Timor oan lubun boot iha Australia hodi buka nafatin informasaun no divulga informasaun sobre Timor nia luta ba mundu internasional. Livru sira ne’ebe mak Jill Jolliffe hakerek mak hanesan, Report from East Timor 1975, East Timor Nationalism (1978),  Cover Up (2001) kona-ba Balibo Five, Finding Santana (2010) kona-ba Komandante FALINTIL Konis Santana, ho Run For Your Life (2014). Timor oan hotu, liu-liu hirak ne’ebe momentu tempu luta nian la’o ho Jill Jolliffe, hatene momos interese boot Jill Jolliffe nian ba luta libertasaun Timor Leste nian. Ho nune’e, Timor oan ‘merese’ atu hamutuk tulun no lolo liman ba Jill Jolliffe iha tempu ne’ebe nia presiza tebes belun hotu nia liman rohan.  Xefi Estadu Forsa Armada FALINTIL-Forsa Defesa Timor Leste (F-FDTL), Koronel Falur Ratelaek, nudar figura ne’ebe koñese tebes Jill Jolliffe no dala barak Jill Jolliffe halo intertvista ho nia iha ai-laran   husu ba Governu ho mos asosiasaun didireitu humanus atu forma komisaun organizadora iha atu bele koresponde tulun finansiamentu ba Jill Jolliffeatu bele rekopera lalais nia saude. “Hau mesak la iha kompetensia atu bele ajuda. Hau apelu ba ita hotu iha Timor laran tomak, liu-liu ba joven sira ita bele husu orasaun ajuda ita nia maluk jornalista Jill Jolliffe nia saude,” hateten Falur Ratelaek, wainhira dada lia ho GMN iha Palacio Governo, Sesta (4/8/2017). Falur fo sasin katak, iha tempu luta no tempu ne’ebe Timor oan sira infrenta hela susar boot invazaun military Indonesia nian, Jill Jolliffe fo nia apoiu no dedika nia an hodi hamutuk ho Timor oan sira. “Ita iha susar nia laran Jill Jolliffe sempre ajuda ita, tanba ne’e, wainhira nia presiza ita nia ajuda iha tempu agora, maka ita mrese duni atu ajuda nia no reza ba nia atu nia bele rekopera lalais nia saude,” hateten Falur Tare Laek. ety


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker