GMN TV Internacional TL sai uma nain ba asembleia jerál OISC husi CPLP

TL sai uma nain ba asembleia jerál OISC husi CPLP

7 views

Timor-Leste sai uma nain ba asembleia jerál Organização Instituto Superior Controlo (OISC) husi Comunidade dos Países da Língua Portuguesa (CPLP) ba dala sanulu iha Díli.

Asembleia jeral ne’e hala’o durante loron tolu ne’ebé loke husi prezidente Tribunal de Recurso nu’udar mós Câmara de Contas, Deolindo dos Santos.

Iha eventu internasionál husi komunidade lusófonu ne’e, prezidenti tribunal rekursu Deolindo dos Santos hatete semináriu bo’ot ida ne’e atu halo diskusaun kona-ba servisu câmara de contas nian no mós oinsa kontribuisaun setor privadu sira hodi bele halo lalais prosesu sira ne’ebé iha relasaun ho câmara de contas.

Tanba ne’e assembleia jerál ne’e halibur prezidente OISC inklui reprezentante nasaun CPLP ne’ebé sai ona membru ba organizasaun OISC.

“Vantagen husi asembleia ne’e ba Timor-Leste mak Timor nasaun foun instituisaun Câmara de Contas  foun ita presiza aprende tan husi ita nia maluk ne’ebé iha ona esperiensia ba servisu ne’e, benifisiu konkretu mak ita bele partisipa iha eventu balun ne’ebé ita bele tuir semináriu haruka juiz sira ba tuir formasaun ne’ebé organiza husi organizasaun ne’e iha nasaun CPLP nia laran,’’dehan prezidente TR, Deolindo dos Santos ba jornalista sira hafoin halo abertura ba asembleia jeral ne’e iha Ótel Novo Turismu Lecidere, Kinta (29/09).

Liu husi diskusaun loron tolu, assembleia sei halo rekomendasaun balun hodi hamosu deklarasaun ne’ebé hanaran deklarasaun Díli no sei asina husi prezidente OISC no reprezentante kada nasaun sira membru IOSC nian.

Asembleia ne’e rasik partisipa husi nasaun 7 iha CPLP hanesan Brasil, Angola, Cabo Verde, Guine Bissau, Mocambique, Portugal, São Tome Principe, Macau inklui Timor-Leste.

Assembleia ne’e hala’o kada tinan rua ho rotativu ba nasaun sira hotu hodi sai uma nain. Organizasaun OISC eziste ona tinan 25 no Timor-Leste sai membru iha tinan 2013. Funsaun husi organizasaun ne’e rasik mak halibur instituisaun câmara de contas husi nasaun CPLP sira hodi kria liña kooperasaun entre nasaun CPLP iha area câmara de contas.nia


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker