GMN TV Internacional Kosovo fó “prémiu” ida ba Xanana

Kosovo fó “prémiu” ida ba Xanana

249 views

Iha Xanana nia vizita ba Japaun iha Domingu (21/11/2021) reprezentante Kolégiu Dardania hosi nasaun Kosovo, Arbenita Sopaj, entrega ofisialmente apresiasaun award ba Kay Rala Xanana Gusmão. FOTO:ESPESIÁL

Mundu internasionál kontinua rekoñese kapasidade Eis Komandante Em Xefe FALINTIL, Kay Rala Xanana Gusmão ne’ebé susesu hamorin Timor-Leste nia naran iha mundu, liu hosi sakrifísiu no luta durante tinan 24 nia laran kontra okupasaun Indonéziu.

Reprezentante Kolégiu Dardania hosi Nasaun Kosovo, Arbenita Sopaj, entrega ofisialmente apresiasaun “award” ka prémiu ba Xanana Gusmão, nu’udar símbolu apresiasaun ba líder ne’e, tanba fó kontribuisaun liu hosi fahe esperiénsia ba Kosovo, kona-ba dame no rekonsiliasaun iha TL. Ne’ebé partilla liu hosi via virtual, iha loron 24, fulan Juñu 2021.

Iha oportunidade ne’e, Arbenita konvida mós Xanana atu vizita Kosovo, hodi fahe esperiénsia kona-ba luta TL nian, no prosesu rekonsiliasaun ba sosiedade no estudante universidade sira.

Hafoin ne’e, Xanana hato’o agradesimentu ba Kolégiu Dardania ne’ebé entrega apresiasaun  award ne’e. Eis Prezidente Repúblika ne’e konsidera, esforsu ne’ebé nia halo, hamutuk ho Timor-oan sira atu lori TL hamriik nu’udar nasaun ida, maske ki’ik no kiak maibé bele hetan rekoñesimentu hosi mundu hodi halo parte iha prosesu hari’i Estadu atu tau matan ba povu nia moris no hadia infraestrutura, kontribui ba ekonomia ne’ebé di’ak.

Mundu polítiku rekoñese Xanana nia kapasidade, tanba susesu lori Timor ba ukun-an, kria rekonsiliasaun ho nasaun viziñu Indonézia no Austrália, no rezolve mós disputa fronteira tasi no rai ho dalan pasífiku.

Antes ne’e mos liu hosi telekonferénsia, Xanana halo sorumutu ho estudante Timor-oan ne’ebé hala’o hela estudu iha Japaun, iha ne’ebé eis Primeiru Ministru ne’e motiva estudante sira atu kontinua estuda hodi dezenvolve nasaun iha futuru.

Xanana Gusmão dezloka ba Japaun hodi ba simu Doutór Onoráriu hamutuk rua (2) hosi Universidade Waseda. Líde Nasionál ne’e iha Japaun durante semana ida, tanba hala’o mós palestra iha universidade Waseda no sei kontinua viajén ba Lisboa-Portugál atu atende enkontru balun hamutuk ho  membru sira g7+ nian.Nes


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker