GMN TV Internacional Peter Roberts “Triste” Remata nia Misaun Diplomata iha TL

Peter Roberts “Triste” Remata nia Misaun Diplomata iha TL

68 views

Embaixadór Austrália iha Timor-Leste, Peter Roberts.

Embaixadór Austrália iha Timor-Leste Peter Roberts nia misaun sei termina iha fulan Dezembru, tinan ne’e, tanba kumpri nia misaun diplomata iha TL hahú iha loron 04, fulan Janeiru, 2018.

Tanba ne’e diplomata Austrália iha TL, iha Segunda (20/12) ne’e despede ona ho Prezidente Repúblika (PR) Francisco Guterres Lú Olo, iha Palásiu Prezidensiál Díli.

Peter Roberts hatete, maske triste, maibé orgullu nafatin, tanba durante hala’o misaun diplomasia iha nasaun foun ne’e, kria kooperasaun di’ak tebes, iha setór defeza no seguransa, saúde, edukasaun no seluk tan.

“Triste oituan, tanba ha’u labele iha Timor-Leste naruk liu, maibé ha’u kontente tebes durante tinan haat ne’e, iha kooperasaun di’ak entre Timor-Leste ho Austrália, iha tempu inundasaun, corona virus ninian ne’ebé tempu difisil, iha tempu sira difisil ne’e, Austrália hanesan nasaun viziñu, kolega ho parseiru tenke servisu hamutuk, entaun, iha tempu ne'e, Austrália no Timor-Leste, koopera didi’ak, no mós tinan tolu liu bá, Austrália no Timor-Leste konkorda ona fronteira marítima” dehan Diplomata Austrálianu ne’e.

Austrália iha kompremisu hodi bele hametin kooperasaun iha área oi-oin liuliu iha setór privádu, liuhosi programa traballu seasonal worker programme, no mós atrai investór sira hosi Austrália mai TL.

“Ha’u fiar katak, iha futuru sei iha oportunidade hodi bele hametin kooperasaun iha área oioin, partikularmente iha setór privádu, liuhosi programa traballu ka seasonal worker programme (swp) ba Austrália” optimista nia.

Estadu TL mós orgullu tebes ho kooperasaun entre nasaun rua ne’e, tanba  Austrália sempre apoia nasaun foun ne’e iha setór oi-oin.

“Prezidente Repúblika kontente tebes kona-bá kooperasaun entre Timor-Leste no Austrália partikularmentu tempu corona virus, tanba servisu hamutuk iha área vasinasaun, Austrália lori ona vasina barak, no sei kontinua servisu nafatin iha área ne’e” tenik.

Austrália iha programa bo’ot iha área dezenvolvimentu ne’ebé hola parte ba iha setór oioin, hanesan oferese ró ba forsa Naval F-FDTL, oferese vasina, apoiu iha setór agrikultura, Programa Nasionál Dezenvolvimentu Suku (PNDS), inklui apoiu Governu iha setór privádu sira.ben


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker