GMN TV Justica e Segurança Ajenti PNTL nain 178 simu graduasaun ■Julio Hornay husu tane a´as valor profisional

Ajenti PNTL nain 178 simu graduasaun ■Julio Hornay husu tane a´as valor profisional

0 views

Ajenti Polísia Nasionál Timor-Leste (PNTL) nain 178, Segunda (22/01/18), simu graduasaun, hafoin tuir treinamentu báziku  durante fulan 6 nia laran.

Durante fulan 6 hala´o treinamentu báziku iha Suku Rairobo, Postu Administrativu Atabae, Munisípiu Bobonaro no iha Sentru Formasaun Polísia Comoro iha Munísipiu Díli.

``Durante formasaun baze rekruta nain tolu rezigna a´an tanba moras, no ida  ita elimina iha Sesta   semana kotuk, tanba infrasaun disiplinar  no agora dadauk hamrik iha nia oin hamutuk 178,``esplika Komandante Sentru Formasaun Polísia Comoro, Superintendente Arquimeno Ramos, liu husi sermonia gradusaun ajenti PNTL.

Nia dehan, ajenti sira hotu pasa ho valor  media final 14, 22 ho nota máximu ka a´as liu 16, 70 no nota mínima 11,04 husi valor 0  to’o 20 no sira ne´e laiha ema ida mak reizame.

Formasaun ne´e hala’o durasaun fulan 6 ho total karega orariu oras 840  ne´ebé 100% instrutor Timor oan  mak hanorin.

Kursu  ne´e fahe  ba bloku oin tolu, bloku formasaun baze ho modolu  jeral total oras 210, kompostu husi modolu koñesimentu jeral hanesan formasaun karakteristiku, ordem unida tekniku profesional sosio kompormental.  Ne´ebé hahú iha loron 10 fulan  Jullu 2017 to’o loron 18 fulan Agostu 2017  iha Rairobo Maliana.

Bloku segundu bloku formasaun eskolar iha modulu jurídiku nian, ne´ebé mak ajenti sira aprende lei konstituisaun ne´ebé mak vigora  iha  Timor-Leste, liu-liu lei regula ba PNTL. Modolu  tékniku  profisional sosio komportamental, modolu jeral aktividade fízika no tiru iha aktividade komplementar hamutuk oras 560, hahú loron 21 fulan Agostu too 22  Dezembru 2017 iha Sentru Formasaun Comoro.

Bloku formasaun tolu mak bloku formasaun ezersisiu ajenti sira mós iha atividade iha terenu seman rua hahú husi 22 Dezembru 2017 to’o iha loron 12 fulan Janeiro tinan 2018 ho total oras 70.

`´Ajenti sira mós hateten,  esforsu  ne´ebé   ha´u halo  no ohin ha´u bele hetan susesu iha ha´u-nia moris, la defende ona ba ha´u-nia inan aman, hanesan kantigu  ne´ebé mak sira kanta hodi dehan loron la’o kalan toba lori mehi ohin loron sira sai duni Polísia,``dehan Arquimeno Ramos.

Alende ne´e Komandante Jeral PNTL komisariu Julio Hornay husu, ba ajenti sira atu tau a´as valor  profisional no meius sira hotu ne´ebé ho kualidade.

``Ohin loron membru PNTL balu partisipa iha insidente  sira que la dignifika valor Polísia ninian lolos,  joven PNTL imi-nia disiplina profisionalismu, servisu mak sai indikador hodi ba oin povu bele haree no tau fiar iha ita-nia Polísia,``esplika Julio Hornay.

“Hahú ohin imi ida-idak reprezenta imajen PNTL nian ba  oin sei la haluha  atu lori imi nia komportamentu banati tuir valores a´as disiplina. Husu atu kumpri hala´o servisu no firmeza, maibe  mós ho responsabilidade, konsiderasaun no tuir regras ne´ebé mak iha,”dehan Julio Hornay.

Nia haktuir, nu’udar elementu foun   iha PNTL klaru seidauk hatene barak. Tanba  ne´e, rona  no haree ba sira  ne´ebé mak tempu  naruk ona servisu iha instituisaun PNTL ka imi-nia senior sira.

Partisipa iha seremonia gradusaun ne´e, Primeiru Ministru Mari Alkatiri ho membru Governu balun Xefe Estadu Maior F-FDTL Major Jeneral Lere Anan Timur inklui komunidade husi ajenti nia família sira.say/avi


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker