GMN TV Justica e Segurança COE asegura rezidensia PR-PM

COE asegura rezidensia PR-PM

0 views

Comando Operação Especial (COE) Polisia monta   postu seguransa  permanente,  hodi fo seguransa ba rezidensia Prezidente  Repúblika (PR) Francisco Guterres ‘Lú Olo no Primeiru Ministru (PM) Mari Alkatiri,  nian   iha Farol Díli.

Postu Kompañia Operasaun Espesial ne´e monta,  hafoin Prezidente  Repúblika Francisco Guterres Lú Olo, fo tomada  de pose ba membru Governu VII Governu Konstituisional  iha loron 15/09/2017.

``Ha´u  hanoin postu   ne´ebé mak  monta  iha  ne´eba atu asegura rezidensia  Prezidente Repúblika nian  ne´ebé  Postu  ne´e  permanente COE nian,``esplika Komadante  Unidade Espesial  Polísia (UEP), Superintendente Xefe, Afonso dos Santos, ba GMN Tersa (09/01/18),  iha Kuartel  UEP Bairo-Pite Díli.

Postu  permanente  ne´e,  iha postu  visibilidade rua ida  besik  rezidensia Primeiru Ministru nian no postu visibilidade  ida  besik  rezidensia  Prezidente Repúblika besik tasi ibun Farol.

``Tanba  iha area  ne´eba  ne´e ita ninia autoridade alta  entidade tomak mak hela  iha  ne´eba kuaze  maioria. Postu  rua  ne´e, entaun atu identifika  visibilidade ba area   ne´e tomak,``dehan Afonso dos Santos.

Nia  hatutan,  responsabildiade tomak ba seguransa  ba rezidensia Prezidente  Repúblika nian ne´e.

Ba iha seguransa tatika ne´e COE mak halo, eskoltu hanoin katak, husi Polísia Militar no Corpo Seguransa Pessoal (CSP), maibe buat sira ne´e hotu sempre liu husi liña koordenasaun casa militar.

Nia hatutan, fatin ba COE monta seguransa ne´e oferese husi Ajensia Dezenvolvimentu Nasionál (ADN), maibe cobb house COE nian.

Kondisoens  seidauk kompletu hanoin ba futuru komando jeral sei halo kompletu liu.

Enkuantu membru sira mak koloka iha postu permanente ne´e COE sempre halo rotasaun ba membru sira husi loron ba loron.

Alende ne´e atu halo ambiente  postu  COE  Farol nia  Beleza sai furak liu tan mak  iha Tersa semana ne´e, membru COE, sira kuda ai horis iha fatin refere no parte tekniku husi Polísia Nasionál Timor-Leste (PNTL) nian monta radio bus hodi bele monitor informasaun kona-ba situasaun seguransa karik akontese krimi ruma.

``Ita haree ambiente  ladun diak tenki hadia iha ne´eba. Maske  fatin ne´e la´os propriu nudar  forsa espesial hela  iha fatin ida tenki kria ambiente  ne´ebé mak diak komunidade haree  ita mós senti diak,``dehan Afonso dos Santos.avi


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker