GMN TV Justica e Segurança Ema deskoñesidu tiru labarik ida

Ema deskoñesidu tiru labarik ida

1 views

Lorenço Soares Gomes,  tinan rua ho balun hetan tiru husi ema deskoñesidu,  iha parte kabas besik kalilin-hun.

Kazu ne´e akontese  iha loron 31 fulan Dezembru  tuku 12  kalan oras Timor-Leste, iha Colmera Díli, wainhira  komunidade hotu festeza hodi simu tinan  foun 2018.

Hafoin akontesimentu  ne´e familia  sira evakua labarik ne´e  iha kalan  ne´e kedas  ba iha Hospital Nacionál Guido Valadares (HNGV),  hodi halo  operasaun ba kartus musan iha labarik ninia isin kabas parte kalilin.

Tuir  kronolojia  ne´ebé mak haktuir  husi vítima nia aman Rogerio Gomes hateten, kazu  ne´e akontese iha tuku 12 kalan wainhira festeza hela  tinan tuan 2017 fahe malu  ho tinan foun.

Iha momentu ne´eba ema tiru paison tarutu,  iha liur vítima nia aman Rogerio Gomes sai ba asiste ema tiru paison, maibe derepente de´it  rona fali tarutu iha ninia uma leten, maibe nia espera katak,  la´os ema mak tiru. Hafoin rona tiha tarutu iha uma leten ne´e.

``Ha´ur ona ha´u nia ferik oan bolu ha´u dehan mai lalais lai Lorenso ema tiru  kona,  ne´ebé ha´u tama haree kilat musan belit hela iha ha´u nia oan ninia kalilin let,``esplika vítima nia aman Rogerio Gomes, ba GMN, Kinta (04/01/18) iha Hospital Nacionál Guido Valadares (HNGV) Díli.

Ho akontesimentu ne´e, Rogerio Gomes,  husu ba autoridade investigasaun kriminal Polísia Nasionál Timor-Leste (PNTL),  atu buka tuir ema deskoñesidu  ne´ebé mak kaer armas  hodi tiru kanek ninia oan Lorenso Soares Gomes.

Entretantu, Segundu Komandante PNTL Munípiu Díli Superintendente Assistente Euclides Belo, husu ba familia vítima atu kolobora  ho autoridade servisu investigasaun kriminal, hodi bele pasa informasaun ba Polísia kona-ba akontesimentu rerefe.

``Ba kazu  alin kikon ne´e nian ami konsidera mais espesefiku presiza tempu , presiza  kolaborasaun, presiza denunsia, presiza mós atu halo ba kartus musan  ne´ebé iha. Ne´ebé ami espera  katak,  kooperasaun hotu tenki la´o diak ho familia nomós autoridade sira atu bele hetan prosesu ba kazu ne´e ho ninia prosesu final  ne´ebé mak diak,``dehan Euclides Belo.

Antes ne´e mós Xefe Estadu Maior F-FDTL Major Jeneral Lere Anan Timur, diskonfia iha kilat ilegal tama Timor-Leste, liu  husi Atambua Indonesia. Tanba  ne´e instituisaun defesa no seguransa sei esforsu buka tuir kilat ilegal sira ne´e.avi


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker