GMN TV Justica e Segurança Kazu agresaun fíziku Motael, Julio Hornay suspende ajenti PNTL

Kazu agresaun fíziku Motael, Julio Hornay suspende ajenti PNTL

0 views

Komandante Jeral  PNTL, Komisariu Julio Hornay, hasai despaixu  suspensaun preventiva  ba membru  Polísia husi Munisípiu Ermera durante  fulan tolu la hala´o servisu,   entrega  farda sai sivil hodi  hein ninia  prosesu.

Julio Hornay hato´o lia hirak  ne´e, relasiona ho kazu deskonfia ajenti PNTL involve iha kazu agresaun fíziku hasoru membru Polísia Militar ne´ebé mak akontese iha Motael  foin lalais.

Relasiona ho kazu  ne´ebé mak akontese, Julio Hornai ho   Xefe Estadu Maior Falintil Forsa Defesa Timor-Leste (F-FDTL),  hodi halo investigasaun ba kazu   ne´e.

``Komando Jeral  foti ona medidas  suspensaun  preventiva noventa dias  ba ajenti ne´e,``esplika Komsariu Julio Hornay, ba GMN, iha Kuartel Jeral PNTL Díli.

Hahalok sira hanesan,  ne´e Julio Hornai, konsidera la´os edukasaun  ne´ebé mak simu  durante iha formasaun.

Membrus PNTL  tomak  ne´ebé mak simu ona graduasaun liu  husi  treinamentu bainhira  hala´o misaun iha terenu  ho profesionalismu nudar forsa seguransa  ba asegura festizu  instituisaun no festizu pesoal,   maibe ida  ne´e  viola  ona entaun komando tenki  foti medida.

``Tanba  ne´e husi Komandante jeral ha´u foti ona desizaun,  despaixu suspensaun preventiva durante  fulan tolu la servisu,   entrega ninia farda hodi sai sivil hodi  hein ninia  prosesu,``dehan Julio Hornay.

Liga ba  kazu ne´e, Komisariu Julio Hornay, dehan, sei la fó impaktu ba instituisaun rua seguransa no defesa, tanba  ne´e kazu  individual.

``La implika buat  ruma,  ne´e  individu, la´os  instituisaun PNTL, F-FDTL baku malu lae,  ne´e individu ka oknum PNTL ho F-FDTL  mak  baku malu  prosesu  sira, iha posibilidade bele dimiti  husi instituisaun,``dehan Julio Hornay.

Entretantu kazu ne´e, akontese iha loron  Domingu loron 7 fulan Janeiro tinan 2018, iha Motael.  Kauza ba kazu ne´e mak hemu tua hamutuk hodi hamosu agresaun fíziku kontra malu.

Antes ne´e, suspeitu nain lima husi  Maskarinhas  ne´ebé mak involve iha kazu refere, hatoo ona keixa ba  Eskuadra Vera-Cruz  PNTL Munisípiu Díli.

Segundu Komandante PNTL Munisípiu Díli, Superintendente Assistente, Euclides Belo, hateten, kazu ne’e ninia auto notísia hato’o ona ba Ministériu Públiku.avi


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker