GMN TV Justica e Segurança Kazu tiru labarik iha prosesu investigasaun

Kazu tiru labarik iha prosesu investigasaun

0 views

Komandante  Jeral Polísia Nasionál Timor-Leste (PNTL), Komsiariu Julio Hornay, hateten, kazu ema deskoñesidu tiru kanek labarik minoridade iha Colmerai,  iha  ona  prosesu investigasaun.

Kazu  ne´e akontese iha Colmera, Dili loron 31 fulan Dezembru 2017  tuku  12 kalan OTL, wainhira komunidade sira festeza hela simu tinan foun 2018.

``kazu  ne´e ida   akontese iha Colmera no ida tan akontese iha Manleu,  ita  ninia PNTL  foti  ona dadus prosesu investigasaun la´o hela hodi bele hatene akontesimentu ne´e la´o oinsa,para depois  ita hetan  informasaun detalhus hodi kazu ne´e ba oin,``esplikaKomisariu Julio Hornai, ba jornalista sira, Sesta (05/01/18), hafoin enkontru semanal ho Prezidente Repúblika, iha Palasiu Prezidensial Bairo-Pite Díli.

Komando  jeral PNTL konsidera kazu  ema tiru labarik  iha Colmera  ne´e sei deskoñesidu, tanba iha akontesimentu ne´e tuku 12 kalan, la koñese ema ruma.

``Esforsu  ne´ebé mak Komando PNTL ho F-FDTL halo    ne´e ita buka informasaun hodi hatene  kona-ba informasaun ida hateten katak, antonio ka Jose mak halo,  maibe deste que  suspeitu ita seidauk hetan ita sei buka,``dehan Julio Hornay.

Julio dehan,  maske kazu  ne´e ema  deskoñesidu mak tiru, maibe prosesu lao nafatin.

``Tanba  ha´u dehan  Polísia sei  komunidade imposivel  ita atu alkansa  baut ne´ebé mak ita hotu nia hakarak.  Ita hotu nia hakarak mak paz estabilidade,  tanba  ne´e mak  presiza  ita hotu nia kontrbuisaun,``dehan Julio Hornai.

Enkuantu  kona-ba evidensia kartus musan ne´ebé mak hakanek labarik no tiru estragus komunidade nia uma ida iha Manleu, sei rekolla.

``Ita sei rekolla hotu tiha depois  ita hato’o ba Ministériu Públiku, depois  ita sei lori ba izame balistiku para hatene kartus  ne´e mai husi ne´ebé, kilat ida ne´ebé,``dehan Julio Hornai

Liga ba akontesimentu kazu refere, parte Governu, liu husi Ministru Defeza no Seguransa, José Agustinho Sequeira ‘Somotxo’, preokupa ba akontesimentu refere.

``Hanesan  Ministru Defeza  Seguransa  ne´e  hanesan  preokupasaun boot  ida que  ita  presiza  prepara   ita ninia Polísia. Ha´u la dehan Ministru anteriores  la preokupa, maibe ladun fó atensaun ba servisu sira ne´e,``esplika Ministru Defesa no Seguransa Somotxo.

Relasiona  ho akontesimentu  refere, Somotxo, dehan,  presiza  instituisaun  ne´ebé mak  kompetente, liu-liu ba  servisu intelejensia.

``Ita-nia seguransa ninian mak Servisu Informasaun Polísia (SIP),  iha militar Servisu Informasaun Militar (SIM) daet ba zota 2,  ne´ebé sira-nia servisu mak tenki la´o diak para   ita labele hanesan koalia liafuan ida  ne´ebé advejes  la han ho realidade,``dehan Somotxo.

Alende ne´e, Lorenso Soares Gomes,  tinan rua ho balun hetan tiru husi ema deskoñesidu,  iha parte kabas kalilin.

Hafoin akontesimentu  ne´e familia  sira evakua labarik ne´e  iha kalan  ne´e kedas  ba iha Hospital Nasionál Guido Valadares (HNGV), hodi halo  operasaun ba kartus musan iha labarik ninia isin kabas parte kalilin.

Tuir  kronolojia  ne´ebé mak haktuir  husi vitima nia aman Rogerio Gomes hateten, kazu  ne´e akontese iha tuku 12 kalan wainhira festeza hela  tinan tuan 2017 fahe malu  ho tinan foun.

Iha momentu ne´eba ema tiru paison tarutu,  iha liur vitima nia aman Rogerio Gomes sai ba asiste ema tiru paison, maibe derepente de´it  rona fali tarutu iha ninia uma leten, maibe nia espera katak,  la´os ema mak tiru. Hafoin rona tiha tarutu iha uma leten ne´e.

``Ha´u rona ha´u nia ferik oan bolu ha´u dehan mai lalais lai Lorenso ema tiru  kona,  ne´ebé ha´u tama haree kilat musan belit hela iha ha´u nia oan ninia kalilin let,``esplika vitima nia aman Rogerio Gomes, ba GMN, Kinta (04/01/18) iha Hospital Nacionál Guido Valadares (HNGV) Díli.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker