GMN TV Justica e Segurança Komponente Naval halo tinan 16, kontinua infrenta dezafiu

Komponente Naval halo tinan 16, kontinua infrenta dezafiu

0 views

Komponente Naval Falintil Forsa Defeza Timor-Leste, Sesta (12/1/18), selebra aniversariu ba dala 16, ne’eb’e harii iha loron 12 fulan Janeiru, tinan 2002.

Xefe Estadu Maior F-FDTL Major Jeneral Lere Anan Timur hateten,  Komponente  Naval, rekónese maske halo ona  tinan ba dala 16,  maibe  kontinua infrenta  dezafius.

Komponente  Naval harii iha tempu difisil husi Estadu Timor-Leste  iha tinan 2002,   iha momentu  ne´eba  ho membru Naval iha ema nain 45.  Hafoin forma tiha forsa Naval, Estadu Portugal  fó  apoiu ro funu marina rua kompletu ho material funu ro nian ba Komponente  ne´e  uza hodi halao  treinamentu no uza hodi halo operasaun iha tasi ibun  iha Hera ba Atauro, maibe agora ro  ne´e para de´it tanba  tuan liu  ona.

 Iha loron 12 fulan Janeiro 2018, Komponente  ne´e hala’o   ona tinan ba dala 16, ho nia  membru hamutuk  45 no agora atinji ona  ba 500.

Agora dadauk Komponente Naval iha tan ro boot rua,   sosa  husi   VI Governu Konstituisional.

 Alende ne´e,  Governu Korea dos Sul, apoiu mós ro funu rua ba iha Komponente Naval, iha tempu VI  Governu Konstituisional.

Maske Komponente Naval, iha ona roo operasaun nian,  maibe ro  rua husi Governu sosa no ro rua seluk apoiu husi Korea do Sul,  maibe labele halo operasaun ba too tasi mane, tanba tasi  boot liu kumpara ho roo sira agora dadauk.  Tanba  ne´e sai dezafiu ba iha Komponente Naval ninia operasaun. Tanba  ne´e ro Governu sosa, hala´o de´it operasaun iha parte tasi Baucau too Lospalos, hodi fila fali mai ponte kais iha Hera.

``Atu  harii komponente Naval fofoun iha dezafiu barak impedementum balun konkorda balun la konkorda, maibe la konkorda mak barak liu, hodi  ita nia Governu  nia inisiativa ita hari  ita nia komponente Naval   ne´ebé mak kiik,  hahú husi ro rua Portugal  fó ba  ita,``esplika Xefe Estadu Maior F-FDTL Major Jeneral Lere Anan Timur, liu  husi diskursu,  Sesta (12/01/18) iha aniversariu Komponente Naval ba dala 16 iha Kuartel Naval Hera.

Lere  dehan,  harii  komponente naval  atu sai nain ba tasi, mas  pas parte  ba lutu nasaun nian.

`´Hanesan  ohin loron  ita kumpara  tinan  16 ba kotuk diferente meiu, diferente kondisoins, diferente  kapasidade rekursu humanus ninian, diferente  mós iha pesoal,``dehan Lere Anan Timur.

Eis  grileiru atual Major jeneral Lere Anan Timur dehan,  tinan  16 ba  kotuk   bele dehan  transforma grileirus ba marineiru, sira ne´e mak tun husi Aileu mai hahú ho sesenta ital karik, depois  krizi  2006, hela de´it ema 45, ne´ebé mak harii asegura komponente kikoan  ida ne´e.

``Ohin loron  ita haree mesak  joven de´it mak hola parte iha komponente Naval, joven feto no mane matenek edukadu,``dehan Lere Anan Timur.

 Kona-ba kondisoins, Lere Anan dehan,  seidauk  prontu no ladun diak,  maibe, preokupasaun Governu nian hatene katak, hanesan tasi pas parte soberania Timor ninian luan liu  rai maran sira sei tau matan fó periodade ba komponente Naval.

Alende ne´e Komandante  Komponente  Naval Ligeiras Kapitaun    Fragata   Adão Brito, alias Zeky, rekoñese iha dezafiu iha Komponente Naval, liu-liu ba kapasidade ro labele halo operasaun too tasi mane.

`` Dezafiu barak  mak   ita hasoru  ita atu  aprende  buat barak  iha  ita nia  moris,  iha  ita nia pasu  no  iha  ita nia  oin,  iha  ita nia asaun. Saida  mak   ita tenta halo durante tinan 16 ba  kotuk asaun lubuk  mak  ita halo rezultadu neneik  ou lais los  ou sala ida ne´e aprende, apredende  ita sai matenek liu tan,``esplika Kapitaun    Fragata Adão Brito, alias Zeky.

Nia  hatutan,  marina  atu avansa  ba  oin  presiza  kapasidade  ne´ebé mak sufisente.

Marina  ne´e  ezisti enkuadra a´an  ho teknolojia,  era  teknolojia agora dadauk ne´e moderniza.

``Entaun  ita  presiza rekursu  ne´ebé sufisiente atu enkuadra  a´an  iha momentu  ne´ebé mak  la´o hela,``dehan Adão Brito.

Iha parte seluk, Ministru Defeza no Seguransa, José Agustinho Sequeira ‘Somotxo’, liu husi entrevista  hateten,    Komponente Naval  halo  tinan ba dala 16, kompara ba ema  sai adultu, tamba  bele atinji ona tinan ba  ema  independente.

Somotxo dehan, Governu Timor-Leste, la´os buat foun. “ Ha´u  hanoin lori  tempu naruk, maibe  ita la hatene, aproveita  mós kondisoins balun  ne´ebé advejes  favorese ba Timor-Leste, liu-liu ba Komponente Naval,``dehan Somotxo.

Ministru Defesa no Seguransa, Somotxo rekoñese ro  naval  iha difikuldade  ba kapasidade hodi hala´o.

``Tan ida  ne´e mak ha´u atu koalia ka la koalia hanesan responsabilidade  Estadu ne´e nian  para atu dezenvolve kapasidade komponente Naval,``dehan Somotxo.

Membru Governu  ne´ebé maker pas nudar defesa no seguransa, Somotxo dehan,   Naval  presiza  iha ro  ne´ebé mak diak iha kapasidade intervensaun patrulhamentu, maske  Komponente Naval  ne´e kiik, maibe ninia servisu  ne´e bo´ot.

 ``Ha´u nia  preokupasaun nudar MInistru Defesa no Seguransa mak  imi rona dala barak ona dehan modernizasaun instituisional. Modernizasaun instituisional signifika kondisoins  ne´ebé ohin loron  ita hare´e bele hakat liu ba  oin para kapasita ita nia membru sira bele halo servisu,``dehan Somotxo.

Entretantu atu ultrapasa dezafiu iha Komponente Naval,   Xefe Estadu Maior F-FDTL, Major Jeneral Lere Anan Timur hateten, Australia sei fó apoiu tan ro ba F-FDTL.

`´Ba   internasional Komponente Naval husu nafatin imi ninia apoiu i Australia atu fó tan ro ida, rua ka tolu, mas sei kleur, ami hakarak lalais oituan,``dehan Major Jeneral Lere Anan Timur.avi


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker