GMN TV Justica e Segurança Lere: Uza kilat ilegal lalika mehi halo funu

Lere: Uza kilat ilegal lalika mehi halo funu

0 views


Xefi Estadu Maior F-FDTL, Major Jeneral Lere Anan Timur, deklara katak, sé de’it maka uza kilat ilegal, lalika mehi atu halo funu, tanba iha Timor-Leste só FALINTIL-Forsa Defeza Timor-Leste (F-FDTL) no Polisia Nasional Timor-Leste (PNTL) de’it maka bele halo funu.

“Lalika koalia kilat ilegal, tanba ema seidauk halo funu iha Timor, ema halo funu ne’e só F-FDTL no PNTL maka bele halo funu, kilat ilegal lalika mehi ida ne’e,” Xefi Estadu Maior F-FDTL ba jornalista sira hafoin remata enkontru ho Prezidente Repúblika hodi informa kona-bá situasaun jeral no difikuldade ne’ebé maka F-FDTL hasoru, iha Palasiu Prezidensial, Bairo Píte, Díli, Kuarta (17-01-2018).

Nia hatutan, kilat ilegal iha ne’e maka iha festa Natal no tinan foun ne’e, iha Manleuan ema tiru uma ida nia kakuluk, halo uma kaleng koak no kilat musan monu ba uma laran.

“Ida ne’e keta Maromak maka tiru karik, dalaruma kilat legal sai fali ilegal mós iha, porejemplu PNTL ninia kilat ne’ebé maka lakon ne’e ate agora seidauk mosu, kilat sanulu (10) ou hitu (7), ema ne’ebé lori ne’e maka sai fali ilegal, maibé kilat ne’e legal nafatin no ita bele dehan katak ita nia informasaun no ita nia ajente mauhu sira ne’e fraku, tanba kilat ilegal ne’e iha no ema ida ne’ebé uza ne’e tauk entaun nia uza hodi asegura keta ema ruma tama ninia uma karik,” dehan Major Jeneral Lere Anan Timur.

Nia akresenta mós katak, iha Timor kilat ilegal ne’e la ultrapasa to’o atus ida (100), maibé iha nasaun Angola, Moçambique no pais sira iha Afrika ne’e kilat ilegal ne’e kuaje to’o milliaun.

“Ita lalika preokupa kilat ilegal sira ne’e, ilegal ne’e ilegal, labele sai fali legal no ema ida ne’ebé barani ho kilat ilegal atu halo funu iha Timor ne’e, iha tempu funu ha’u la barani liu, mais ha’u ho maluk veteranu sira iha experiensia funu 24 anus, mais tenki hatene katak buat ida tiru malu ne’e la’os fasil, kuandu tiru malu o tenki haloot uluk feen no oan maka ba tiru malu, o hanoin ida ne’e entaun lalika ba tiru malu,” relata Xefi Estadu Maior F-FDTL.

Entretantu Ministru Defeza no Seguransa, José Agostinho Sequeira ‘Somotxo’, horibainrua (16/1) iha Palasiu Prezidensial, deklara katak, laiha ema sivil ida maka kaer kilat iha nasaun ne'e, tanba to’o agora seidauk iha ema ida maka aprezenta ninia-an dehan kaer kilat. Ves


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker