GMN TV Justica e Segurança PR eziji MP kombate kriminalidade ■Krimi abuzu sexual ás iha munisípiu 3

PR eziji MP kombate kriminalidade ■Krimi abuzu sexual ás iha munisípiu 3

0 views

Prezidente Repúblika (PR), Francisco Guterres ‘Lú Olo’, husu Ministériu Públiku (MP) atu mellora servisu, hodi kombate aktu kriminalidade ne’ebé akontese iha nasaun.

“PR husu ba MP iha tinan 2018 mellora ka hadi’a diak liu tan ninia servisu ba kombate kriminalidade, sobre todo PR ninia preokupasaun boot maka ba krimi sira ho natureza krimi sexuais, abuzu sexuais no korupsaun ne’ebé maka sai mós ninia preokupasaun,” Prokurador Jeral Repúblika (PJR), José da Costa Ximenes, ba jornalista sira hafoin remata enkontru ho PR, iha Palasiu Prezidensial, Bairo Píte, Díli, Tersa (09-01-2018).

Nia esplika katak, MP sei reforsa liu tan servisu iha tinan 2018, antes komesa efetivu iha servisu, MP sei hahú kedas ho retiru anual, ne’ebé normalmente prokurador sira aprezenta sira-nia planu servisu.

“Antes de komesa efetivu servisu di-diak, ami hahú kedas ho retiru anual, ne’ebé normalmente prokurador sira no servisu hotu-hotu iha MP aprezenta planu ba tinan ida ninian, alende ita iha ona planu de orientasaun, kada tinan-tinan enkontru para partilla hodi junta ita nia esforsu ba MP iha tinan ida ne’e ninian,” dehan PJR, José da Costa Ximenes.

Nia akresenta katak, iha loron 12 ou 13 Janeiru 2018 MP sei halo retiru ho objetivu hametin liu tan servisu MP iha tinan 2018.

“Ha’u informa mós kazu krimi balun ne’ebé rejistu iha MP ba PR hanesan krimi ho natureza krimi sexual ne’ebé ás iha munisípiu 3 hanesan Baucau, Covalima no mós Díli, kompara ho munisípiu sira seluk, maibé em jeral situasaun la’o hakmatek,” haktuir PJR.

Dadus ne’ebé rezistu iha MP hatudu durante fulan Dezembru 2017, pelumenus kuaze kazu krimi besik 300 ital maka prosesu entrada iha MP, kapital Díli rezista kazu 235 i tal, sira seluk mai husi munisípiu ninian. Ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker