GMN TV Justica e Segurança Prezensa UEP iha PN neutru

Prezensa UEP iha PN neutru

0 views

Komandante Unidade Especial Policia (UEP), Superintendente Xefe, Afonso dos Santos, hateten, kolokasaun seguransa membru UEP iha Parlamentu Nasionál (PN), neutru no la defende ema ida.

``Ha´u  hanoin katak,  informasaun saida mak Xefe Estadu Maior Jeneral nomós  Komsiariu  Polísia, ami agora  iha kraik ne´e unidu, metin laiha  buat ida akontese  iha Timor-Leste misaun ami nian klaru servir  e protezer. Ami ezisti  iha PN mós hanesan ami la defende AB, ami neutru ba se de´it, ami hala’o ami-nia kna´ar tuir ami-nia misaun,  fora de ida ne´e diskulpa,``esplika  Superintendente Xefe, Afonso dos Santos, ba GMN, Tersa (09/01/18)  iha Kuartel UEP, Bairo-Pite Díli.

Afonso dos Santos hateten, kona-ba polítika   nia sei la koalia, maibe nia parte so bele koalia de´it mak  seguransa iha PN, tanba seguransa iha PN responsabilidade  tomak husi Unidade Espesial  kuandu iha debate programa ruma.

``Iha  ne´eba  iha mós seguransa PN iha seksaun ida, iha mós ofisial ligasaun koloka iha ne´eba, kualker aktividade iha PN  nia sempre relata ba iha Komando jeral nomós mia iha Komandante UEP, ne´ebé ho situasaun ida ne´e ha´u koloka  plotaun ida tomak atu asegura kuandu iha debate, kuandu laiha debate retira, labele hela iha ne´eba,``dehan Afonso Dos Santos.

Nia  hatutan,  unidade Espesial  respeitu liu rejimentu Parlamentar, tanba  PN ninia ninia rejimentu  regurozu la halimar.

Polísia ninia kolokasaun ne´e iha area liur iha odamatan laran Polísia labele tama . “Autorizasaun Presidente Parlamentu.  Polísia so hala´o de´it mak seguransa. Horseik (Horiseik), ami halo operasaun koordena  ho F-FDTL,``dehan Afonso dos Santos.

Nia dehan, operasaun koordena ne´e la´os remata  ona,  sei kontinuasaun tanba forsa seguransa ho defeza ida de´it.

``Ami koloka  ona  ne´e atu asegura  estabilidade país ida ne´e labele hamosu instabilidade,``dehan Afonso dos Santos.

Nia dehan,  objetivu  forsa seguransa no defeza,  la´os atu ameasa ema A ou B no forsa rua ne´e mós nunka halo diskriminasaun ba partidu A, Partidu B.

``Forsa rua ne´e  nunka halo diskriminasaun partidu A, partidu B, neutru tuir ami-nia Ministru Defeza no Seguransa. Se mak ameasa ami hasae proteze nia iha fatin ne´ebé mak seguru hotu ona,``dehan Afonso dos Santos.avi


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker