Ema Deskoñesidu Tuda Bis Diresaun Díli Lospalos, Iha Ponte Suku Soba , Postu Administrativu Laga, Munisípiu Baucau Iha Tuku Ida Kalan.
Bis Ilicão ho sapa matríkula 37.507 hetan tuda, husi grupu deskoñesidu iha área ode-isi ponte suku Soba , Postu administrativu Laga, wainhira atu tula pasajeiru sira husi Lospalos mai Díli.
Akontesementu ne’e akontese iha tuku ida kalan oras Timor-Leste , ne’ebé deskonfia iha joven na’in rua , iha área ne’e ne’ebé helik-an iha nakukun laran, no tuda kareta refere, hafoin kundutór ho pasajeiru sira han kalan, iha fatin ne’e atu kontinua dezloka mai Díli.
Kondutor Bis Diresaun Dili Lospalos, husu ba komandante Jeral Polisia Nasional Timor-Leste, atu liga ba polisia munisípiu to’o eskuadra sira, hodi asegura seguransa ba transporte públiku sira, ne’eb’e halo movimentu kalan , tamba kazu hanesan ne’e la’os foin akontese primeira vez, maibé bei-beik ona.
Objetivu bis halai kalan atu fasilita pasajeiru sira hodi to’o sedu iha Díli hodi hala’o kna’ar hanesan funsionáriu públiku no privadu.
Enkuantu relasiona ho kazu ne’e, GMN tenta konfirma ona ba komandante Jeral PNTL , Júlio Hornai, maibé nia rasik seidauk simu relatóriu konaba akontesementu refere.tos
