GMN TV Justica e Segurança Husu osan ba la’en, fén han pankada

Husu osan ba la’en, fén han pankada

0 views

Tribunal Distrital Díli (TDD), tenki halo julgamentu ba arguidu ho ínisial DSB, ne’ebé halo agresaun fízika hasoru lezada ho ínisial SGG iha Comoro, tanba ne’e Ministériu Públiku (MP) akuza arguidu ho krimi ofensas integridades fízika simples, ne’ebé previstu iha artigu 145, kódigu penál Timor-Leste.

Iha audensia julgamentu ne’e, TDD lee sai faktus ne’ebé MP akuza ba arguidu katak, iha loron 14, fulan Janeiru, tinan 2018, iha suku Bairo Pite, tuku 12:00 OTL meudia, lezada ba husu osan iha arguidu, too iha ne’ebá arguidu tebe dala rua iha lezada nia kabun kidun, rezulta lezada monu, depois lezada hade’er husi monu, arguidu tuku tán dala tolu iha rentós rezulta kanek no bubu, depois arguidu tama ba uma-laran, halai sai ba liur tuku tán iha lezada nia kanuruk dala rua.

Durante audénsia iha TDD, arguidu hili dalan nono’ok no la fó deklarasaun, ho nune’e maski arguidu hili dalan nono’ok, TDD sei la kondena, tanba lei fó dalan ba arguidu atu ko’alia ou silénsiu.

Iha audénsia ne’e mós, lezada hato’o ninia deklarasaun ba TDD katak, iha momentu ne’ebá, nia (arguidu-red) mensajen ha’u liu husi via facebook katak, haruka ha’u ba foti osan iha uma Bairro Pite, nune’e ha’u to’o iha ne’ebá, hein to’o lokraik tuku 06:00 OTL, nia to’o mai tuku kedas ha’u no tebe ha’u iha kabun kidun dala rua, tuku tán iha rentós dala tolu to’o rezulta bubu no kanek, halo lezada ba hato’o keixa kedas ba MP, maibé ami rua dame malu ona, liu husi rezolve entre família.

Rona tiha deklarasaun husi lezada, TDD husu ba MP ho parte defeza tama ba alegasaun no iha alegasaun ne’e MP akuza arguidu ho krimi ofensas integridades fízika simples, ne’ebé previstu iha artigu 145, kódigu penál Timor-Leste, tanba arguidu haruka lezada ba foti osan no arguidu halo agresaun hasoru lezada.

Mezmu iha audénsia ne’e, arguidu uza direitu nono’ok, maibé antes ne’e, nia rekoñese aktu ne’ebé maka nia halo ne’e loos no aprovadu katak, hanesan problema fén-la’en ninian, tanba ne’e MP akuza arguidu ho krimi violénsia doméstika tuir artigu 145, kódigu penál Timor-Leste, mais adekuadu privativa pena prizaun tinan 3, ka suspende ba tinan 2 no meia ou multa.

Parte defeza husi arguidu katak, arguidu presta deklarasaun iha audénsia ne’e ho nono’ok, ne’e ninia direitu no rona deklarasaun husi lezada katak, foti osan no la fó osan, maibé hasoru fali agresaun no lezada rasik dehan nia rezolve ona, tanba ne’e, defeza husu fó pena kma’an ba arguidu.

Rona tiha husi parte MP no Defensór Públiku (DP), TDD adia fali julgamentu ba loron 30, Janeiru, hodi rona desizaun iha oras 02:00 OTL lorokraik.

Iha audénsia ba julgamentu ne’e, prezidi husi Juíza Singular, Julmira Auxiliadora, MP reprezenta husi Prokuradór Jerál, Bartolomeo de Araujo no arguidu hetan asisténsia legal husi DP. min


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker