GMN TV Justica e Segurança Konfrontu iha Fatuhada, kareta ho uma membru Polísia nian rahun

Konfrontu iha Fatuhada, kareta ho uma membru Polísia nian rahun

0 views

Konfrontu  iha  Aldeia 05 Suku Fatuhahada  Postu Administrativu Dom Alexio, Munisípiu Díli, rezulta kareta  ida rahun  no  uma  janela  odamatan vidru ninian rahun. Uma ne’e nain mak  membru Polísia Servisu Migrasaun,  Miguel da Costa Gomes, nu’udar Atasé Migrasaun Timor-Leste  iha Australia.

Iha akontesimentu ne’e, Polísia Nasionál Timor-Leste (PNTL) Munisípiu Díli  detein suspeitu  nain  nen iha sela Komando  PNTL Díli iha Caicoli.

Kazu   ne’e akontese Domingu (20/01/19)  kalan  mais ou menus tuku   sanulu resin ida oras Timor-Leste.

Hafoin akontesimentu  ne’e Polísia Eskuadra Dom Alexio too kedas iha fatin akontesimentu hodi kaptura suspeitu no lori Kareta treck  ne’e  mai asegura iha Eskuadra Dom Alexio Díli. Karetane’e mak ho nia sapa matrikula 57-651 Timor-Leste.

“Kazu ne’e akontese iha Merkadu Komoro kotuk  ne’e mosu krimi danu, danu  ne’e signifika estraga ema ninia   propriedade tantu kareta no uma.  Ba  krimi ida ne’e horikalan  ita nia komunidade iha área merkadu Komoro kotuk kontaktu  mai Polísia Eskuadra Dom Alexio  hodi halo  atuasaun lalais,  apoiu husi  Forsa Rezerva Komando PNTL Díli  no Bataliau Ordem Públiku. Ba dadauk  ne’e  iha detidu nain 6 mak PNTL kaptura i detein ligadu ba kazu danu ne’e”,esplika Segundu Komandante PNTL Munisípiu Díli Superintendente Assistente Euclides Belo, ba jornalista sira Segunda (21/01/19) iha Kuartel PNTL Díli.

Euclides Belo hatutan,  suspeitu sira sei submete ba primeiru  interogatoriu hafoin durante oras  hitu nulu resin rua iha sela detensaun Munisípiu Díli.

Alende ne’e Olga Albertina Alves, ne’ebé sai vítima mós ba akontesimentu ne’e haktuir, nia la hatene motivu husi kazu ne’e  tanba nia uma laran,  maibé nia rona ema hakilar iha liur asalta malu hodi hakbesik ba ninia uma oin kaer fatuk tuda rahun  janela  no odamatan boot.

“Ha’u  nunka  halo  problema ho ema, tanba ha’u nia laen Polísia, ne’ebé seidauk halo problema ho sé de’it laiha”,dehan Olga Albertina Alves.

Tanba ne’e nia hakarak kazu ne’e ténki  prosesu ba Tribunal. Enkuantu kona-ba  kronolojia  ba akontesimentu ne’e, PNTL Eskuadra Dom Alexio sei promove  hela prosesu investigasaun.avi


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker