GMN TV Justica e Segurança MP halo retiru anual, avalia dezafiu tinan 2018

MP halo retiru anual, avalia dezafiu tinan 2018

0 views

Prezidenti Komisaun Organizadora, atual Inspetora Ministériu Públiku (MP), Zélia Trindade, hateten, liu husi retiru anual ne’ebé maka MP halo iha Hotel JL Villa, Fatuhada-Díli, ho intensaun atu avalia dezafiu, progresu no prespektiva MP ba tinan 2019, atu nune’e ba oin bele servisu di’ak liu tán.

“Ami nia retiru anual, hanesan ita boot sira hatene katak, MP tinan-tinan halo retiru anual, tanba ne’e sai ona tradisaun ida ba MP no MP nia aktividade ne’e ho objetivu, hanesan ita boot sira haree iha ne’ebá ho ninia tema sentral husi retiru anual maka “Avalia progresu, Dezafiu iha tinan 2018 no prespektiva servisu MP ba tinan 2019”, Prezidenti Komisaun Organizadora retiru anual ne’e ba GMN, iha Hotel JL Villa, Fatuhada-Díli, Kinta (17-01-2019).

Nia esplika, hateten, retiru anual ne’e hanesan tradisaun MP, hodi halibur funsionáriu hotu hodi túr hamutuk fó hanoin no sujestaun ba servisu ne’ebé maka halo ona durante tinan ida.

“Iha retiru anual ne’e sei haree aktividade ne’ebé maka sira halo durante tinan 2018, dezde kedas husi juridisaun hotu-hotu, hanesan husi parte Baucau, Suai, Díli no Oe-Cusse, hotu-hotu ohin loron konsentra iha ne’e, durante loron 3, hahú husi loron 17 too loron 19, fulan ne’e, maibé iha loron ikus liu ami sei ba vizita iha uma mahon kaza vida, ha’u dehan atu haree prokuradór distrital sira hotu, sei aprezenta sira-nia servisu aktividade majestradu ninian, iha tinan ida ne’e saida maka sira halo”, haktuir Zélia Trindade.

Nia akresenta, iha retiru anual ne’e, prokuradór distrital sira hotu sei aprezenta prosesu kazu hira maka sei pendente, akuzasaun hira maka arkivu tiha ona, hira maka partisipa iha julgamentu, faze julgamentu tranjulgadu tiha ona no inklui aprezenta servisu kombate korupsaun no krimi organizadu.

“Iha planu tinan 2019 nian, sei halo enkontru entre prokuradór jeral distrital, hamutuk ho prokurador jeral nasionál, para deskuti hodi tau planu aktividade anual nian, ne’ebé iha nanis tiha ona”, hatutan Prezidenti Komisaun Organizadora ne’e.

Entretantu retiru annual ne’e MP sei halo durante loron tolu (3), hahú husi loron 17 to’o 19, fulan ne’e, MP sei ko’alia mós kona-bá espektativa no saida maka MP sei halo iha tinan 2019.

Tuir planu iha retiru loron ikus (19/01) ninian, MP sei hala’o vizita ba uma mahon Casa Vida, iha Bidau, Lecidere-Díli. min


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker