Polísia Nasional Timor-Leste (PNTL), Munisípiu Díli, kontinua la tolera sidadaun sira ne’ebé kontinua loke jogu bola guling maibe laiha lisensa husi Governu.
“Ita sei halo nafatin operasaun ba bola guling balun loke ho illegal, ema sira ne’ebé mak loke ho illegal detein iha sela durante oras 72 depois balun simu ona medida koasan hodi aprezenta priodika iha Eskuadra Polísia. Tanba ne’e mak aktividade jogu hotu hala’o iha Díli ténki legal, se ida la legal ne’e Komando PNTL Munisípiu Díli servisu hamutuk ho autoridade lokal sira hodi kaptura ema sira ne’ebé loke jogu ho illegal hodi submete ba prosesu investigasaun no lori ba Tribunal”, esplika Segundu Komandante PNTL Munisípiu Díli Superintendente Assistente Euclides Belo, ba jornalista sira Kuarta (15/01/19) hafoin fópalestra iha Eskola 10 Dezembru Comoro Díli.
Antes ne’e PNTL Munisípiu Díli kaptura ona suspeitu nain walu ne’ebé deskonfia involve loke jogu bola guling ho legal.
Alende ne’e Polísia prende osan hamutuk rihun ida atus lima, ho meja bola guling tolu .avi
