GMN TV Justica e Segurança TLPDP apoia kareta haat ba PNTL

TLPDP apoia kareta haat ba PNTL

0 views

Parseiru Timor-Leste Police Development Program (TLPDP  fó apoiu tan   kareta haat  ba  no ekipamentu anti raiot  ba Polísia Nasionál Timor-Leste (PNTL). Ekipamentu anti raiot kategoria númeru 2 estandarizasaun ONU.

Ekipamentu anti raiot mak hanesan body protection, tameng, kapaseti, castete. Kareta haat ne’e mak hanesan Land Cruizer rua, rava iha rua.

Seremonia entrega ekipamentu hirak ne’e hala’o iha Kuartel Jerál PNTL Díli, Kuarta (23/01/19).

“Ajudu husi TLPDP mai PNTL la’os  foin mak primeiru ves, maibe ida ne’e bad ala barak  ona sira apoiu transporte, ekipamentu, treinamentu  tantu iha rai laran no iha rai liur sira suporta tebes PNTL  nia servisu, ida  ne’e mak ami hato’o agradesimentu ba Komandante TPDP,  liu-liu ba povu Australia  ne’ebé mak ho laran apoiu PNTL,  a pesar   ita iha transporte no ekipamentu sira  ne’ebé mak sei menus parte seluk ami kualia ho TLPDP  iha posibilidade apoiu ami nia difikuldade sira ne’e, tanba ne’e sira pronto apoiu ita transporte, ohin mós simu  kareta hat no ekipamentu anti raiot  ne’ebé mak suporta ba Unidade Espesial Polísia nomós  preparasaun ba misaun ONU tuir ezijensia ne’ebé ONU husu mai ita”,esplika Komandante Jerál PNTL Komisariu Júlio Hornay  ba jornalista iha Kuartel PNTL Díli.

Julio Hornay hatutan, kareta  haat ne’e sei  utiliza ba servisu  investigasaun konjunta entre PNTL ho F-FDTL hodi atende ba kazu infrasoins nomós kontrolu de arma  ne’ebé mak tuir despaisu  Ministériu Defeza no Interior hatun tiha ona, hodi la’o hamutuk  kontrola membru seguransa no defeza karik lori armas  ba festa ka  manufutu fatin no iha Bar atu loke prosesu investigasaun.

Alende ne’e, Komandante  Unidade Espesial Polísia (UEP), Superintendente Xefe Afonso Dos Santos konsidera   ekipamentu  anti raiot  ne’ebé fornese  husi TLPDP Australia iha kualidade.

“Ekipamentu anti raiot  ida ne’e, ita bele dehan tama ona  iha kategoria misaun ONU nian, ne’ebé ekipamentu sira sei prepara iha UEP, la’os atu hala’o  treinamentu, wainhira misaun ONU ruma, UEP bele utuliza ekipamentu sira ne’e”,dehan Afonso dos Santos.avi

 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker