GMN TV Justica e Segurança Xina deporta tan traballadór ilegal Timor-oan 10 ■Senti tristi fila mai TL

Xina deporta tan traballadór ilegal Timor-oan 10 ■Senti tristi fila mai TL

0 views

Governu Xina deporta tan traballador ilegal Timor-oan hamutuk feto nain sia no mane nain 1 fila mai Timor-Leste (TL), Segunda (22/01/19),  ho aviaun CITILINK, mais ou menus tuku 11:00 meiudia oras Timor-Leste.

Traballadór ilegal Timor –oan hirak ne’e akompaña  husi adidu Migrasaun Timor-Leste iha Beijing-Xina, Mariano dos Santos,  ne’ebé mak simu husi Adjuntu Diretór Jeral Migrasaun Inspetór Xefe Ricardo Moniz Pade iha Aeroportu Internasionál Nicolau Lobato Díli.

Timor-oan nain 10 ne’e husi Munisípiu Lautem, Covalima, Ainaro, Manufahi, Ermera Aileu no Manatuto.

“Sira  ne’ebé mak mais de 30 pesoas  ne’e agora dadauk ita   lori  ona 17  pesoas mai  ona Timor-Leste, iha fulan Dezembru tinan 2018 ita lori nain 7 mai uluk no  agora ita lori tan nain 10,  Timor sira  hela 10 pesoas mak sei iha Xina,  sira ninia lokalizasaun ne’e iha Propinsia Fujian, iha Distritu ida Fusin, ilha  ne’e liga ba Taiwan, besik ba Japaun”,esplika Adidu Migrasaun Timor-Leste iha Beijing, Mariano dos Santos, ba Jornalista sira Tersa (22/01/19) iha Aeroportu Internasionál Nicolau Lobato, Díli.

Mariano dos Santos rejeita ho informasaun  falsu  ne’ebé mak lansa iha media sosial katak, Timor-oan feto sira hala’o servisu seluk “vida a’at” iha Xina. Mariano klarfika,  feto Timor-oan sira ba servisu hanesan Pembantu Rumah Tangga no mane hanesan  servisu jardineiru.

“Agora servisu seluk hanesan ema koalia tun-sa’e   ne’e, ha’u hanesan adidu servisu iha Embaisada iha Beijing  ba ha’u dehan labele, tanba  ita ténki respeita  ita nia maluk hanesan Timor-oan, liu-liu ba feto sira ita labele prega liafuan mal  ba  iha feto sira, sem ita haree ho matan kaer ho liman,  ha’u iha ne’e rejeita total  ne’e ita dun matak”,dehan Mariano dos Santos.

Alende ne’e  Adjuntu Diretór  Migrasaun  Inspetór Xefe   Ricardo Moniz Pade  hateten,  Timor-oan  nain 10  parte Migrasaun  intrega ba Servisu Investigasaun Kriminal hodi loke prosesu investigasaun.

“Ha’u la hatene mane  ne’e autor ka lae, maibe ami sei intrega ba Polísia investigasaun sei loke prosesu  investigasaun, portantantu parte Imigrasaun ne’e nian mak halo koordenasaun oinsa mak identifika sidadaun  sira agora dadauk iha Xina. Tanba Timor-oan balun mak sei iha Xina, agora ami ninia Adido Migrasaun iha Beijing sei halo koordenasaun nafatin ho autoridade seguransa Xina hodi identifika tan sira seluk hodi haruka mai iha tempu badak”, dehan   Ricardo Moniz Pade.

Nune’e Timor-oan deportadu, António Marques, esperesa ninia sentimenti tristi  wainhira fila mai Timor-Leste,  maibe laiha servisu, tanba ne’e Estadu tenki kria kampu traballu hodi nune’e  bele fó servisu ba nia sidadaun rasik iha rai Timor.

“Ha’u senti kontente, maibe  tristi  oituan,  tanba tuir lolos  ne’e Estadu ténki rekoñese ba”,esplika António Marques .

António Marques hatutan, durante servisu iha Xina, patraun sira haree  traballador Timor-oan diak tebes, kada fulan simu saláriu USD 600 ba mane servisu nu’udar jardineiru no ba feto kada fulan simu osan USD 500 hanesan Pembantu Rumah Tangga.avi

 


Banner

Foto

Notisia Ikus

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker