Abitante sira hetan kilat ilegál ida ho marka G3 (G3-Gewehr 3) iha Manleuana Díli.
Abitante sira hetan kilat ne’e iha Domingu (12/01/20), iha Aldeia Laulora, Suku Manleuana, Postu Administrativu Dom Aleixo, Munisípiu Díli.
Tuir Segundu Komandante PNTL Munisípiu Díli, Superintendente Assistente Euclides Belo, hateten, abitante sira hetan kilat ne’e, wainhira kee hela fundasaun uma nian.
“Klaru katak Eskuadra Polísia Dom Aleixo simu informasaun husi komunidade Manleu katak, komunidade sira ke’e rai fondasi uma nian hetan fali kilat ida, kilat ne’e furuju tiha ona nia karegadór kompletu. Ohin (horseik) ami halo relatóri hodi hato’o ba komandante jerál PNTL”,esplika Segundu Komandante PNTL Munisípiu Díli, Superintendente Assistente Euclides Belo, ba jornalista sira Segunda (13/01/20), iha Akademia Polísia Comoro, Díli.
Euclides Belo akresenta, kilat Gewehr 3 ne’e identifika, husi nasaun Portugal ne’ebé mak husik tinan barak ona no ferujin ona.
Tuir informasaun husi Polísia, kilat ne’e Eskuadra Polísia Dom Aleixo entrega ba Polísia Nasionál Servisu Investigasaun.avi
