Ministru Defeza no Interior Interinu, Filomeno Paixao hatete, Governu sei aumenta taan postu hitu (7) ba Polísia Nasionál Timor Leste (PNTL) iha Unidade Patrollamentu Fronteira (UPF), hodi garante seguransa másimu iha Fronteira.
“Iha Polisia UPF, ita hatama tan osan ba iha infraestrutura, para aumenta tan 7 Postos, iha Munisípiu Bobonaru, Postu Administrativu Maliana, no Munisípiu Kovalima Munisípiu Suai, ho tan halo rehabilitasaun ba postu 3 ou 4, konforme enkontru ne’ebé ha’u iha ho Prezidente Autoriedade Rejiaun Administrativa Espesial Oe-cusse Ambeno (RAEOA)”, informa Ministru Defeza Filomeno Paixão ba Jornalista sira Sesta (17/01/2010), iha Palásiu Prezidensial, Nicolau Lobato Bairo Pité Díli.
Tuir Filomeno Paixão, ida ne’e mak parte esforsu husi Ministériu Interior nian, ba parte Polísia nian, ho imigrasaun.
Enkuantu dadaun ne’e, Postu Unidade Patroliamentu Fronteira (UPF) 29, ho pessoal polísia UPF hamutuk 300 resin.oly
