GMN TV Justica e Segurança Komando Jerál hala’o transferénsia ba estrutura PNTL

Komando Jerál hala’o transferénsia ba estrutura PNTL

Komandante  Jerál Polísia Nasionál Timor-Leste (PNTL)  Komisáriu  Faustino da Costa, halo tranferénsia  ba estrutura komandante PNTL munisípiu Manufahi no Manatuto.

Seremónia   transferénsia ne’e hala’o  Sesta (17/01/20), iha salaun enkontru Kuartel Jerál PNTL, Caicoli, Díli.

Komandante   nain rua ne’ebé mak hala’o   transferénsia mak hanesan Komandante PNTL  sesante munisípiu Manufahi Superintendente Júlia da Gama ba komanda  fali  komando PNTL munisípiu Manatutu hodi troka komandante PNTL sesante Manatutu Superintendente Inacio Saldanha,  hodi  transfere fali mai iha kontijente Komando jerál PNTL

No Superintendente  Damião Correia,   destaka fali ba komando PNTL munisípiu Manufahi hodi troka Komandante PNTL  Manufahi Superintendente Julia da Gama.

Komisáriu Faustino da Costa, husu ba komandante nain rua la’os tuur de’it iha AC laan, maibé kna’ar sira nian buka kordena ho autóridade sira oinsá atu halo prevensaun ba aktu krimi sira ne’ebé mak akontese.

 “Filozofia PNTL mak prosemidade, entaun sira koloka iha ne’ebá la’os tuur de’it kna’ar fain iha AC laran, maibé sira ténki koordena ho autoridade depois barak liu mak servisu iha terenu”, ”,esplika  Komandante  Jerál Polísia Nasionál Timor-Leste (PNTL)  Komisáriu  Faustino da Costa,  ba jornalista sira iha Kuartel Jerál PNTL Caicoli Díli.

Alende  ne’e Komandante PNTL  munisípiu Manufahi foun Superintendente Júlia Gama, agradese komando jerál PNTL ba konfiansa  tomak fó ba nia hodi  komanda PNTL munisípiu Manatutu.

 “Ida ne’e hanesan konfiansa ida husi komando jerál PNTL mai ha’u  hodi hala’o servisu  iha munisípiu  Manatutu, Konfiansa ida ne’e todan mai ha’u, maibé ha’u senti Kaman tanba  iha ha’u nia nai ulun  sira sempre suporta  ha’u, autóridade lokal  ne’ebé mak hein hela ha’u iha Manatutu  no ha’u nia komunidade parseiru  servisu, liu-liu iha komunidade ne’ebé mak  iha fatin foun ne’ebé mak ha’u sei ba sira sei kolobora nafatin ho ha’u atu nune’e ami bele lori nafatin objetivu   misaun PNTL nian hodi lori esperansa seguransa ba komunidade nafatin”,dehan Júlia Gama.

Antes ne’e mós komando jerál PNTL halo ona transferénsia ba komandante PNTL munisípiu sira husi munisípiu ida ba munisípiu seluk.avi


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker