Xefe Estadu Maior Jeneral F-FDTL, Maijor Jeneral Lere Anan Timur hatete, nia sei la entrega instituisaun FALINTIL Forsa Defeza Timor-Leste, (F-FDTL) ba kualker ema, maibé sei fihir didiak figura diak ida atu bele troka nia fatin nu’udar Xefe Estadu Maior Jeneral F-FDTL.
“Ha’u nu’udar Komandante, no Xefe Estadu Maior Jeneral F-FDTL, ha’u iha responsabilidade bo’ot ba futuru forsas armadas nian, ha’u labele entrega instituisaun ne’e ba kualker ema, entaun polítiku sira mós hanesan ne’e, se mak agora tur iha nasaun nia oin, no lori nasaun nia volante ne’e, ema mai husi Ailaran, Primeiru Ministru tinan 24 iha ailaran, Prezidente Repúpblika mós tinan 24 iha ailaran, no ha’u mos tinan 24 husi ailaran”, katak Maijor Jeneral Lere Anan Timur Ba Jornalista sira, hafoin remata enkontru ho Prezidente Repúblika, Francsico Guterres Lú Olo, iha Palásiu Prezidensial Nicolau Lobato Bairo Pité. Kuarta (15/01/2020).
Nia afirma, sira nu’udar ema rezistensia lakohi entrega vida instituisaun ka destinu nasaun nian ba kualker ema, tenke entrega ba ema ne’ebé sira konfia, sem dúvida, kuandu entrega proposta ne’e husi nia, ida ne’ebé mak tenke kaer, para labele hanesan polítiku sira agora, ema sira ne’ebé lakohi ukun aan mós, sai Ministru sai Deputadu, la’os Forsas Armadas, ema ne’ebé ké iha responsabilidade makas nasionálismu no patriutismu ne’e tenke forte.
“Ha’u bele dehan katak, kuandu iha estabilidade iha Forsas Armadas nia laran, Timor estável no hakmatek ona, mais kuandu forsa armadas la hakamatek, Timor mós sabraut, ha’u nia mandantu hotu ha’u sei entrega ba ema ne’ebé ké bele”, subliña Lere.oly
