Xefe Estadu Maior Jenerál F-FDTL/ Majór Jenerál Lere Anan Timur hatete, maske nia simu ona kontaktu atu candida aan ba Prezidente Repúblika iha períodu tuir mai, maibé nia rasik seidauk hanoin atu assume pasta ida ne’e.
“Ha’u seidauk hanoin to’o iha ne’e, tanba agora ha’u sei ativu. no atu kandidatu ba Xefe Suku, maibé la hatene sira sei simu ou lae, diak liu ha’u iha ne’eba , ha’u sei hala’o ha’u nia misaun nu’udar Xefe Estadu maijor Jeneral, agora tuir lei ne’e hanoin ida ne’e desizaun polítika”, dehan Lere Anan Timur ba Jornalista sira Kuarta (15/01/2020) iha Palásiu Prezidensial Nicolau Lobato Bairo Pité, Díli.
Lere haktuir, nia labele dehan bainhira mak remata hanoin katak, lolos ne’e tinan ida ne’e, maibé buat hotu desizaun polítika, Prezidente nu’udar komandu supremu das forsas armadas nian mak sei desidi.
“Ha’u labele deside aan atu sai ka la sai, tanba uluk funu ha’u la’os kualker Jeneral bai-bain, ha’u mai duni husi funu ida, diferensa marka entre nasaun, Timor ne’e diferente liu, mais jeneral iha nasaun seluk, mai husi akademia mak sai Jeneral, ami sira ne’e laiha, hanesan ha’u ho maluk sira seluk, ne’ebé brigadeiru sira ne’e, nune’e mak ha’u hanoin buat hotu desizaun polítika”, afirma Lere.
Lere salient, kuandu nia sai husi vida militar, nia tenke ba vida polítika duni, tanba nia saúde sei diak, sem duvída, no iha direitu dever no obrigasaun atu servisu povu no nasaun Timor–Leste.
“Kuandu ita mate mak ita nia kna’ar hotu ona, ne’e ami-nia komprimísiu depois de ukun aan, se kuandu sei bele sei servi nafatin”, hakotu Lere.oly
