Xefe Estadu Maior Jeneral FALINTIL –Forsa Defeza Timor-Leste (F-FDTL) Major Jeneral Lere Anan Timur, konsidera joven ne’ebé mak sona membru F-FDTL foin lalais laiha moral.
“Sira komunidade joven baku forsa sira primeiru laiha moral, laiha moral tanba o hatene lolos ne’e ema ne’e instituisaun Estadu nian, instituisaun militar F-FDTL nusa mak o baku. ha’u husu ba forsa sira atu koloka o nia a’an núdar ema militar, biar o tau sivíl o ténki koloka o nia a’an Purizemplu iha públiku o labele lanu, o labele sadik ema arbiru, ida ne’e o la koloka ona nia a’an ona querdizer ita ema ne’e liberdade ba buat hotu”,esplika Xefe Estadu Maior Jeneral F-FDTL Major Jeneral Lere Anan Timur, ba jornalista sira Segunda (06/01//2010) iha Ministériu Finansa Aitarak-Laran.
Lere dehan, iha Timor ne’e ema ida la tahan forsa, maske sira tuun halo atuasaun la lori kilat liman tanan de’it mós ema ida la hatan. Ne’ebé diak liu evita baku forsa sira.
“Ha’u husu ba komunidade diak liu evita baku forsa sira keta too momentu ruma komandante ne’ebé mak bulak ne’e haruka imi baku malu”,dehan Lere
Lider masimu instituisaun F-FDTL ne’e akresenta, joven ne’ebé mak involve iha kazu refere submete ona ba primeiru interogatóriu iha Tribunal Distrital Díli semana kotuk.avi
